Daily news
Трамп и Ердоган ќе ја обноват воената соработка
Претседателите на САД и на Турција, Доналд Трамп и Таип Реџеп Ердоган договориле меѓусебна соработка и покрај неуспехот да ги надминат несогласувањата околу улогата на Курдите во Сирија.
Двајцата повикаа на подобрување на билатералните односи и соработката во борбата против Исламската држава.
Трамп по средбата со Ердоган најави дека ќе ја обнови воената и економска соработка со Турција и дека ќе ја поддржи нејзината борба против Исламската држава и курдските бунтовници на ПКК, кои САД, ЕУ и Турција ги сметаат за терористичка организација.
“Сакаме да ги продлабочиме економските и трговски односи со Турција”, рече Трамп, додавајќи дека тоа е во интерес на двете земји.
Тој додаде дека народот на Турција минатата година бил изложен на стравични терористички напади.
“Турскиот народ во последниве години и во последно време беше изложен на стравични терористички напади. Го изразуваме нашето сочувство за жртвите во овие напади, како и поддршка на турскиот народ. Ја изразуваме нашата поддршка за Турција во борбата против терористичките организации како што се ПКК и ИД, со гаранција дека на терористичките организации нема да им оставиме простор за дејствување “, изјави Трамп.
Тој нагласи дека САД го ценат лидерството на Турција со цел во Сирија да се спречат масакрите и насилството.
Ердоган од своја страна нагласи дека не е соодветно терористичката филијала на ПКК во Сирија да се прифати како соговорник.
Средбата на Трамп со Ердоган Си-Ен-Ен ја нарече „уште едно топло добредојде на лидер со авторитарен стил на владеење“, нагласувајќи дека Ердоган имаше лоши односи со претходната администрација.
“Имавме прекрасни односи и ќе имаме уште подобри”, оцени Трамп по средбата.
Сепак, и покрај ваквата изјава односите на Трамп и Ердоган се оптоварени со одбивањето на САД да го екстрадира турскиот свештеник Фетулах Ѓулен кој живее во Пенсилванија кого Ердоган го обвинува за организирање обид за државен удар против него. Уште повеќе истиот ден со доаѓањето на Ердоган „Вашингтон пост“ објави едиториал од Ѓулен. Крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.