Европа
Пред самитот во Минск Поршенко се заканува со вонредна состојба, Лавров гледа напредок
Украинскиот претседател Петро Порошенко изјави во средата дека е подготвен да прогласи вонредна состојба ма целата територија на Украина, доколку не успеат мировните преговори во Минск, каде што според него Украина и Европејците „ќе зборуваат во еден глас“, додека рускиот министер за надворешни работи Сергеј Лаворв истовремено изјави дека има „чувствителен напредок’ во подготовките за самитот за Украина но истовремено предупреди дека има уште отворени прашања и обвини дека силите на Киев се обидуваат да заземат подрачја пред почетокот на самитот.
„Свет ќе зависи од резултатите на самитот, или ќе ја сопреме агресијата по дипломатски пат, или со целосно поинаков режим. Сите сме, владата, парламентот и јас, подготвени да прогласиме вонредна ситуација на целата територија на Украина доколку се случи ескалација на судирите“, изјави украинскиот претседател Петро Порошенко на седницата на владата во Киев неколку часа пред средбата во белоруската престолнина Минск, каде што ќе се сретне со челниците на Русија, Франција и Германија.
„Ние сме за мир, но доколку е потребно, ќе го разбиеме непријателот. Доколку мораме да ја браниме нашата земја, тоа ќе гои сториме. За жал мораме да бидеме подготвени за двете опции“, рече Порошенко.
Додаде дека Киев, францускиот претседател Франсоа Оланд и германската канцеларка Ангела Меркел „ќе зборуваат во еден глас“ во Минск барајќи безусловен прекин на огнот. „Ви гарантирам дела Украина и Европската унија ќе имаат заеднички став во текот на самитот во Минска и ќе зборуваат во еден глас“, рече украинскиот претседател. Истакна дека безусловниот преки на огнот е приоритет за Киев.
Порошенко повторно ја одбил идејата за федерализација на Украина по региони, што е еден од предлозите на Русија, односно поголема права за регионите, што според него би им овозможило на на рускојазичните одметнати региони во југозападниот дел од земјата со вето да ги блокираат прозападното свртување на Украина.
„Соседната земја инсистира на идејата за федерализација. Иронично е дека станува збор за најцентрализираната земја во регионот. Децентрализацијата којашто ние ја разгледуваме нема врска со федерализација“, изјави Порошенко.
Рускиот министер за надворешни работи Сергеј Лавров, покрај изјавата дека „постои чувствителен напредок“ во подготовките на самитот во Минск, истовремено предупреди дека постојат уште отворени прашања, како што е контролата над границата, а го обвини Киев дека пред почетокот на средбата на четворицата челници се обидуваа со офанзива да заземе што повеќе територија во југоисточните региони.
Лавров на заедничката прес-конференција со грчкиот колега Никос Коциас во Москва, ја критикуваше Украина којашто „поставува нереални барања“, бидејќи секој договор го условува со повторно преземање на целосната контрола врз границата кон Русија.
„Тоа е токму она што претставниците на украинските власти се обидуваат последните денови. Да се условува сето останато со враќањето на контролата над границите, додека се водат борби, додека многу други проблеми не се решени, тоа според моето мислење е нереално“, изјави шефот на руската дипломатија.
Според Лавров, во секој договор за границата треба да учествуваат и претставниците на самопрогласените ткн „народни републики“ во одметнатите доминантно рускојазични региони во Донецк и Луганск, кои контролираат дел од границата.
Лавров порача дека обидот на украинската армија да освои нови области пред почетокот на преговорите во Минск, многу ги намалува шансите да се постигне договорот со бунтовниците за контролата врз границата.
Доброволечкиот баталјон „Азов“ во кој се борат странски платеници, меѓу кои и десетици лица од балканскиот регион а најмногу Хрвати, во вторникот објави дека тргнува во офанзива против единиците на рускојазичните бунтовници кај пристанишниот град Мариупол, кој иако со доминантно рускојазично и руско население од април минатата година е под контрола на Украинската национална гарда./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.