Министрите за надворешни работи на земјите членки на Европската унија побараа во петокот навечер од Русија „веднаш да ги прекине сите форми на непријателство“ на границата со Украина, на вонредната седница посветена на ирачката и на украинската криза, при што беше договорено да се испорачува оружје на ирачките Курди за да можат да се справат со џихадистите од Исламската држава.

Во заклучоците посветени на ситуацијата во Украина, шефовите на дипломатиите на ЕУ ја повикуваат Русија „да ги повлече своите сили од границата“. „Секоја еднострана воена акција на Руската Федерација во Украина под кој и да изговор, па и хуманитарен, ЕУ ќе го смета за очигледно кршење на меѓународното право“, се додава во текстот со заклучоците.

Двајца европски министри за надворешни работи, на Германија и на Франција, Црнак-Валтер Штајнамер и Лорен Фабиус треба во недела да се сретнат во Берлин со шефовите на дипломатиите на Русија и на Украина, Сергеј Лавров, односно Павло Климкин.

На почетокот од средбата во Брисел, неколку европски министри за надворешни работи ја предупредија Русија дека нејзините сили не смеат да влезат на украинска територија

„Силно ме растревожија информациите (за наводното влегување на руски оклопни возила на украинска територија) … Доколку во Украина има возила и припадници на руската војска, мораат веднаш да се повлечат или последиците ќе бидат многу сериозни. Таквата ситуација може да биде многу опасна“, изјави британскиот министер за надворешни работи Филип Хамонд.

Тоа претставува „тешко кршење“ на меѓународното право, изјави шведскиот министер Карл Билд реагирајќи на медиумските информации на дека колона од 23 руски оклопни возила ноќта кон петокот ја минале руско-украинската граница. Киев во петокот доцна попладнето соопшти дека е уништен „значителен дел“ од руската колона на украинска , меѓутоа непрецизирајќи што е со остатокот. И данскиот министер за надворешни работи Мартин Лидегард изрази „искрена загриженост поради руското однесува последните месеци, но и во последните часови“.

Руското министерство за надворешни работи ги осуди, како што вели, обидите на украинската страна да се оневозможи на секој начин доставувањето на нејзината хуманитарна помош наменета за цивилното население во источна Украина кое две седмици е без струја, вода за пиење и лекови, а истрошени се и резервите од храна. Москва го предупреди Киев на потенцијални „последици од таквите акции“, како што се непрекинатото гранатирање на руската територија од страна на украинската армија. Руската дипломатија соопшти дека целта на „бруталното интензивирање на воените операции“ на Украина во источните региони е да се пресече патот на рускиот хуманитарен конвој и да се прикрие масовното пребегување на украинските војници на руската територија. /крај/мф/сн

Извор: Макфакс