Европа
Меркел пристигна во Киев, откако со Обама оцени дека Русија се впушта во опасна ескалација
Германската канцеларка Ангела Меркел допатува во саботата претпладне во украинската престолнина Киев на разговори со тамошното раководство за ублажување на воената операција во источна Украина, откако претходно во телефонски разговор со американскиот претседател Барак Обама оцени дека Русија „се впуштила во опасна ескалација“ во Украина, трупајќи војници на границата и испраќајќи го хуманитарниот конвој на кој се противи Западот.
Германската канцеларка Ангела Меркел во текот на посетата на Киев треба да се сретне со претседателот Петро Порошенко, со премиерот Арсениј Јаценјук и со неколку градоначалници, како што е најавено вклучително и со гувернерот на Донецк кој е центарот на прорускиот бунт. Меѓутоа, не е прецизирано дали Меркел ќе се сретне со гувернерот кој го поставија новите прозападни власти во Киев веднаш откако го соборија претседателот Виктор Јанукович, или со неговиот претходник
Меркел во петокот предупреди дека Русија ризикува ескалација на и онака тензичните состојби. За кризата таа телефонски разговараше до челниците на Украина, Русија и на САД. И покрај рускиот потег, германската канцеларка оцени дека на рускиот хуманитарен конвој би требало да му се овозможи да дојде до оние на коишто им е потребен, како и дека тоа би требало да биде овозможено и за хуманитарната помош којашто ја најави Киев.
„Посетата на Киев е голем и израз на поддршка. Нашата цел е двете страни да се согласат на прекин на огнот“,
Претходно во телефонскиот разговор ноќта кон саботата, американскиот претседател Барак Обама и германската канцеларка Меркел, како што соопшти Белата куќа, изразиле загриженост поради „големиот број руски војници стационирани во близина на границата со Украина, присуството на руски воен персонал во Украина и рускиот артилериски оган врз украинска територија“.
„Тоа се многу елементи кои претставуваат опасна ескалација“ се согласиле Меркел и Обама инсистирајќи на „важноста од билатерален прекин на огнот проследено со затворање на границата и извршениот надзор на руско-украинската граница“, се додава во соопштението на Белата куќа.
Според челниците на САД и на Германија „од императивна важност е (рускиот хуманитарен) конвој да ја напушти украинската територија, оценувајќи дека колоната од 300 камиони без зелено светло од Киев претставува дополнителна провокација и кршење на суверенитетот на Украина и на интегритетот на нејзината територија“. Според нив Русија „мора да ги прифати условите кои се одредени од Украина и Меѓународниот комитет на Црвениот крст“ во областа на хуманитарната помош за Украина.
Москва мора, според Обама и Меркел, да ги намали притисокот оддалечувајќи ги своите единици од границата и повлекувајќи го своето вооружување, возилата и персоналот од украинска територија. Според нив ситуацијата „продолжила да се влошува“ откако во источна Украина на 17-ти јули се урна малезискиот патнички авион при што загинаа 298 луѓе. И покрај тоа што истрагата не е завршена, а некои западни експерти наведоа дека цивилниот авион е можно да е соборен од воен авион, што алудира на извештајот на руското министерство за одбрана дека украински борбен авион непосредно пред падот летал во близна на авионот на „Malaysian Airlines“, Западот за трагедијата ги обвинува проруските бунтовници и непосредно Русија.
Во разговорот со Меркел, рускиот претседател Владимир Путин, пак, ги отфрлил нејзините критики изнесени како и во разговорот со Обама, потсетувајќи ја на извештаите на повеќе меѓународни инспекции на границата со Украина кои не констатирале нарушување на граничната линија и активности на руските сили, туку дека има гранатирања на руските гранични премини од украинска територија.
Германската канцеларка во разговорот со Путин истакнала дека „и покрај руските дејствија, сепак мора да се обезбеди конвојот непречено да дојде до луѓето коишто се наоѓаат во тешка ситуација. Тоа треба да му се овозможи и на украинскиот конвој кој е блокиран од сепаратистите“, изјави во врска со телефонскиот разговор на двајцата челници, портпаролот на германската влада Штефан Зајберт. Меркел, исто така, истакнала дека „Сега важна улога може да одигра контактната група составена од претставници на Организацијата за безбедност и соработка во Европа (ОБСЕ), Украина и Русија. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.
НАТО започна огромни вежби, за Русија: Тоа е подготовка за војна
Четиримесечните воени вежби на НАТО во близина на границите на Русија, наречени „Непоколеблив бранител“ се доказ дека алијансата се подготвува...
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се...
Мицкоски: Очекувам ДУИ повторно да прави изборни нерегуларности, истураат и многу кеш во предизборието, затоа ја повикувам меѓународната заедница будно да го следи процесот
Ако ме прашувате за изборните нерегуларности кои што беа случај во првиот изборен круг, а за кои причина беше Демократската...
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење...
Владина делегација положи свежо цвеќе на гробот на Гоце Делчев – одбележана 121 годишнина од неговото загинување
Владина делегација предводена од министерката за одбрана Славјанка Петровска заедно со министерката за животна средина и просторно планирање Каја Шукова...
Тито почина пред 44 години. Дали беше херој или злосторник?
На денешен ден, пред 44 години, во Љубљана почина Јосип Броз Тито. Кој беше тој? Изгледа, за кого како. Кој...
Блинкен: Хамас е единствената пречка за прекин на огнот во Газа
Палестинското исламистичко движење Хамас останува „единствената пречка меѓу луѓето во Газа и прекинот на огнот“ со Израел, изјави вчера американскиот...
Одбележување 121 година од смртта на Гоце Делчев
Во земјава денеска се одбележуваат 121 година од смртта на македонскиот револуционер и борец за слобода Гоце Делчев. По тој...
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип. Во несреќата е...
Куче паднало во шахта и ги изгризало каблите за интернет на две болници: ЦУК за невообичаената акција во Скопје
ЦУК информира за невообичаена и како што велат, специфична ситуација за решавање на итен случај на 112, кога куче паднало...
„Никогаш нема да ја заборавам бабата која стои, чека и го повторува името на внуката“: Мајорката која меѓу првите влезе во „Рибникар“
„Траума што се уште ја минувам и денес“, „Сигурна сум дека добро ќе се сеќаваме на тој кобен 3-ти мај,...
„Поединци на Европскиот фронт избегаа од Али и се во секојдневна комуникација со Мицкоски“, рече Изет Меџити
Лидерот на Демократското движење и носител на Листата за пратеници во првата единица на коалицијата ВЛЕН, Изет Меџити изјави дека...
„Дека ДУИ полнеле кутии на денот на изборите е докажано од суд“, кажа Мицкоски и повика на будност
Не се само информации тоа дека ДУИ полнеле кутии на денот на изборите, имаме и потврден случај тоа е во...
Македонија најдобро рангирана меѓу државите од регионот според Индексот за слобода на медиумите
Репортери без граници денеска го објавија својот годишен извештај за слободата на медиумите во светот, според кој Македонија се наоѓа...
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија,...
„ДКСК да покрене постапка против Битиќи, бара од фирмите на кои им исплаќал државна помош да гласаат за него“, вели ВМРО-ДПМНЕ
„ДКСК да покрене постапка против Битиќи, бара од фирмите на кои им исплаќал државна помош да гласаат за него, им...
Израелските медиуми ги објавија трите барања на шефот на Хамас за ослободување на заложниците
Лидерот на палестинската исламистичка организација Хамас во Појасот Газа, Јехја ал Синвар, и понатаму има три барања во преговарачката понуда...
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот...
Турција ја прекина целата трговија со Израел
Турција од вчера го прекинува целиот извоз и увоз со Израел, соопшти турското Министерство за трговија, наведувајќи ја како причина...
Цената на осигурувањето од автоодговорност се враќа на ниво од пред 25 април, одлучи Владата
Владата ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на...
