Регион
Белград: Затворањето на преминот е некоректен потег на Хрватска која не е во криза
Затворањето на граничниот премин Бајаково-Батровци за камионите од Србија во Хрватска, е многу некоректен потег на хрватската страна о не придонесува за добрососедските односи, а секако нема врска со решавањето на бегалската криза, оцени во понеделникот српскиот министер за внатрешни работи Небојша Стефановиќ.
„Очигледно е дека Хрватска не се снаоѓа во решавањето на проблемот кој го наметна бегалската криза, а сега очигледно е дека тоа се префрла и на политички терен“, изјави министерот за внатрешни работи на Србија, Небојша Стефановиќ за утринскиот дневник на Радио-телевизија Србија (РТС), коментирајќи го затворањето на граничниот премин Бајаково-Батровци од хрватската страна, и изјавата на неговиот хрватски колега Ранко Остојиќ.
Остојиќ имено во неделата рече дека „заедно дејствуваат сојузниците на унгарскиот премиер Виктор Орбан, српскиот министер Александар Вулин и Томислав Карамарко во Хрватска“. „Тоа е иста екипа, истите зборови против владата на Хрватска ги користат сите тројца“, изјави Остојиќ, оценувајќи дека во Хрватска дејствувал „штаб за хистерија“ предводен од челникот на ХДЗ, Томислав Карамарко кој покрај Орбан и Вулин ги нарече „пионери на Милошевиќ кои заедно продуцираат ваква хистерија“ и кои „со сила, жица и оружје се обидуваат да ја решат работата“.
„Изјавите на хрватските колеги ги разбирам како изјави на луѓе коишто не се снаоѓаат најдобро во кризата“, изјави Стефановиќ, оценувајќи дека „би било подобро Хрватска наместо затворање на премините би требало да ја насочи таа енергија во решавањето на проблемот со бегалците“.
Српскиот министер за внатрешни работи изрази увереност дека „и во Хрватска ќе има слух за решавањето на проблемот, бидејќи со Унгарија брзо беше постигнат договор“ за отворање на граничните премини Хоргош 1 и Хоргош 2, од кој првиот во неделата свечено повторно го отвори со унгарскиот колега.
„Доколку хрватската страна не биде подготвена за договор, ни можеме само да очекуваме дека Европа ќе реагира, бидејќи се кршат меѓународните договор“, додаде Стефановиќ.
Хрватските гранични власти објавија дека од полноќ кон понеделник го затворија за товарен сообраќај преминот Бајаково, единствен на границата со Србија кој остана отворен од почетокот на бегалската криза, што создаде колони на автопатот од српската страна долга десетина километри и го отежна нормалниот сообраќајот./крај/мф/сн
Извор: РТС/Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.