Регион
Вучиќ нема информации за нов Бриселски договор

Српскиот премиер Александар Вучиќ изјавил дека нема информации околу потпишувањето на нов Бриселски договор, и дека е секогаш спремен за продолжување на дијалогот, но дека во моментов нема со кого да преговара, пренесува Танјуг.
„Секогаш сум подготвен да дојдам во Брисел, ние сме посветени на продолжувањето на дијалогот со Албанците, со кои немаме никакви проблеми. Единствениот проблем е во тоа што тие сега немаат своја влада“, изјавил српскиот премиер.
Вучиќ додал дека доколку некој од меѓународната заедница рече дека Србија не ги исполнила своите обврски, тоа не би било коректно, бидејќи во моментов Белград нема со кого да разговара.
Запрашан околу тоа дали имало притисок да се разговара околу нов Бриселски договор, Вучиќ изјавил дека немал информации околу такво нешто.
„И реков на Кетрин Ештон дека секогаш сум подготвен да дојдам во Брисел, и дека сме посветени на продолжувањето на дијалогот“, нагласил Вучиќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.