Европа
Словачкиот премиер во Москва предложи проект за ‘Турскиот тек’
Словачка ѝ предложи на Русија проект со Бугарија, Романија, Унгарија и Европската унија во врска со ‘Турски тек’, изјави на прес-конференцијата во Москва во вторникот словачкиот премиер Роберт Фицо по разговорите со неговиот домаќин и руски колега Дмитриј Медведев.
„Тоа е поврзано со руско-турската траса, проект кој ќе започне да се реализира во 2016 година“, појаснил Фицо, пренесува агенцијата ТАСС.
Според него, предложениот проект од страна на Словачка треба да биде спроведен со учество и поддршка на Европската унија. „Секоја влада на Словачка е должна да осигури гасоводот кој минува низ територијата на земја никогаш да не биде празен“, додал Фицо.
„Словачка е свесна дека од јануари 2020 година престанува да важи договорот за транзит на гасот преку Украина. Доколку ние не бидеме транзитери на гасот, тогаш нашиот буџет ќе претрпи многу штета“, додал словачкиот премиер.
Русија во 2019 година ќе го прекине снабдувањето со природен гас на Европа преку Украина. Русија во јануари објави дека поради недоразбирањата со Европската унија, го повлече проектот „Јужен тек“ кој преку Црното Море требаше преку Бугарија и Србија да го испорачува рускиот гас до централна Европа, Унгарија, Австрија и Италија, како и за балканските земји.
Словачка не може да се меша во руско-украински односи, вклучувајќи ги и прашањата за гасот, истакнал Фицо.
„Меѓутоа, ние не можеме само да седиме и да чекаме кога Украина ќе биде надвор од гасоводниот систем. Оттаму, актуелноста на проектот ќе се зголемува како што ќе се реализира ‘Турскиот тек’. Таквите проекти можеме да ги реализираме само врз основа на договор меѓу четирите земји, како и со учество на Русија. Одговорноста нé тера да бараме алтернативни патишта за решавање на ова прашање“, заклучува словачкиот премиер.
„Со мојот колега денеска ги разгледувавме можностите за имплементација на тие варијанти, коишто ги создава ‘Турскиот тек’, откако гасот ќе дојде до границата на Грција, за земјите во Европа, и можното приклучување кон сите овие процеси“, додал рускиот премиер Дмитриј Медведев.
Рускиот премиер признал дека постојат ризици во новиот проект „Турски тек“, но и оти, исто така, во целина во оваа сфера работите добро се одвиваат.
Проектот „Турски тек“ претпоставува изградба на гасовод со капацитет од 63 милијарди кубни метри природен гас од Русија во Турција преку Црното Море, кој до турско-грчката граница ќе носи до 47 милијарди кубни метри гас. Се предвидува на границата меѓу Турција и Грција да се изгради гасоводен хаб (мрежа), а земјите членки на ЕУ коишто ќе бидат заинтересирани да се снабдуваат со енергенсот преку овој систем треба да изградат сопствени транспортни капацитети за натамошно прифаќање на овој гас на нивна територија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.