Црна хроника
Разбиена организирана група скопски нарко дилери
Две лица на возраст од 30 и 35 години се уапсени во рамки на полициската акција „Мрежа“ за сузбивање на недозволената трговија со наркотици. Организаторот на криминалната група што продава дрога по улиците на Скопје е во бегство.
Министерката за внатрешни работи, Гордана Јанкулоска, во четврток соопшти дека со отпочнувањето на оваа акција се засилува борбата против дрогата која се продава на улиците низ целата држава и дека полицијата има профилирано поединци и групи кои на ситно препродаваат различни видови дрога.
За старт на оваа акција беа уапсени две лица на возраст од 30 и 35 години. Кај едниот од нив биле пронајдени две пакувања марихуана, додека кај вториот 50 грама од истата дрога. Полицијата утврдиладека марихуаната ја набавиле кај 32-годишно лице, дилер од Скопје и организатор на криминалната група.
Вчера полицијата извршила претрес во куќата на организаторот кој не бил пронајден во неговиот дом. Биле пронајдени прибор за пакување и мерење на дрога и два бункера за складирање дрога и тоа едниот во шанкот на дневната соба, а вториот во подот под брачниот кревет во спалната соба, како и многу други украсни предмети во кои има изработено специјален простор за складирање и чување на дрога.
Денеска биле извршени претреси во домот на три лица за кои Секторот за недозволена трговија со дрога имал информации дека соработувале со организаторот, при што кај едно 26 годишно лице пронајдени се пет грама марихуана, две цигари со марихуана и 300 семки.
По целосно расчистување и документирање на случајот ќе биде поднесена кривична пријава за „неовластено производство и пуштање во промет на наркотични дроги, психотропни супстанци и прекурзори” против организаторот од Скопје, како и против трите други лица од кои две се од Струмица, а едно од Скопје, сите членови на криминалната група.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со БМВ удрил во контејнери и автомобил, па побегнал
Вчера во 22:50 часот во СВР Скопје е пријавено дека на сервисна улица од ул.„Матеја Матевски“ во Скопје патничко возило БМВ со скопски регистарски ознаки, управувано од М.А.А.(22) од Р.Турција, а со привремен престој во Скопје, удрило во контејнери и патничко возило алфа ромео со демиркаписки регистарски ознаки. М.А.А. го напуштил местото на настанот, но по преземени мерки од полициски службеници, тој набрзо бил фатен.
По целосно документирање на случајот ќе следува соодветен поднесок.
Црна хроника
Жител на дебарското село Горенци вршел превоз без лиценца
Дебарското Одделение за внатрешни работи поднесе кривична пријава против жител на село Горенци, кој вршел превоз без соодветна лиценца.
-Кривична пријава е поднесена против А.А.(48) од селото Горенци, општина Центар Жупа, поради постоење основи на сомнение за сторено кривично дело „вршење на јавен превоз без да поседува соодветна лиценца“ по член 284 од Кривичниот законик, информираше Стефан Димоски портпарол на СВР-Охрид.
Според него, на 9 октомври при контрола во патниот сообраќај извршена на улицата „Елена Ѓика“ во Дебар, полициските службеници сопреле патнички автомобил „фолксваген голф“, управуван од пријавениот.
При тоа, констатирале дека тој врши такси превоз на патници без соодветна лиценца издадена од надлежен државен орган.
Црна хроника
Фатени дилери на дрога, меѓу нив и дете
Ноќта помеѓу 7 и 8 ноември .11.2025 во Скопје, на различни локации, полициски службеници од СВР Скопје ги лишија од слобода А.Ј. од Куманово, Ф.С. од Кочани, Б.А., М.Р., П.Ѓ., М.Ј., М.Е., А.П. и еден 16-годишен малолетник, сите од Скопје, затоа што кај нив се пронајдени и одземени марихуана и бела прашкаста материја.
По целосно документирање на случаите ќе следуваат соодветни поднесоци.

