Daily news
Ѓеоргиев: Владата на СДС се однесува расипнички, потроши 32 милиони евра на граѓаните
„Да купиш 500 килограми лешници, а да кратиш од набавките на нова опрема за војската е забеганост надвор од здравиот разум. Да купиш морски плодови во вредност од 6.500 eвρа, а да немаш пари и да го укинеш најавеното покачување на пензиите е надвор од здравиот разум. Да си купиш цвеќе за 5.000 евра со пари на граѓаните, а да паѓа просечната плата е надвор од здρав ρазум. Да плаќаш српски советници по 20.000 евра месечно, а да паѓа индустриското производство е надвор од здравиот разум“, изјави денеска Филип Ѓеоргиев од ВМРО-ДПМНЕ.
Според него, Владата на Социјалдемократскиот сојуз расипнички се однесува и не запира со неодговорното трошење со парите на граѓаните. „Расипничката владата на СДС и Заев потроши верувале или не, ни помалку ни повеќе туку точно 32 милиони евра пари на граѓаните, само за партизирање, луксузирање и хедонизам. Да почитувани граѓани, Владата на СДС и Заев потρоши точно 32 милиони евра ваши пари. И сето тоа под ставката стоки и услуги, само за мебел и инвентар за опремување на кабинетите, договорни услуги за незаконски вработувања на партиските послушници и матни ликови“, вели Ѓеоргиев.
Парите кои СДС ги троши за непродуктивни работи, според него, можеле да бидат обезбедени за студентските стипендии. „Или поточно, ако се земат предвид дека една студентски стипендија изнесува 700 евра годишно, Заев со потрошените 32 милиони евра можеше на годишно ниво да исплатат дури 45.714 студентски стипендии. Но, очигледно е дека СДС и Заев не ги интересираат студентите, ниту ништо друго освен сопствено богатење. До пред некој месец едно зборуваа, а сега друго прават. Граѓаните очекуваа од Заев и неговата влада плата од 500 евра, како што тој долго најавуваше. Но, граѓаните директно се излажани, изманипулирани и искористени, наместо исполнување на ветеното, граѓаните останаа со празни раце и се само поради безобразното и непрофесионалното владеење на СДС и Заев“, додава Филип Ѓеоргиев од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.