Црна хроника
Трет пожар на возило на велешки судија
Кој и зошто, и дали го запалил автомобилот во сопственост на семејството на Габриела Гајдова, судијка во Основниот суд во Велес, е прашањето на кое одговор треба да даде истрагата на полицијата и Јавното обвинителство, што е трет на пожар на возила во сопственост на лица вработени во Велешкиот суд годинава.
Кој и зошто, и дали го запалил автомобилот во сопственост на семејството на Габриела Гајдова, судијка во Основниот суд во Велес, е прашањето на кое одговор треба да даде истрагата на полицијата и Јавното обвинителство, што е трет на пожар на возила во сопственост на лица вработени во Велешкиот суд годинава.
Гајдова вели дека автомобилот, „опел астра“, за чиешто опожарување во понеделникот извести Министерството за внатрешни работи, бил паркиран пред семејната куќа, а во моментот на опожарување таа и семејството не биле дома.
„Дојдовме на лице место некаде околу 21,20 часот, имаше пожарникари, овластени лица од СВР Велес. Успеаја да го изгасат огнот, а набрзо дојде и Јавен обвинител“, рече Габриела Гајдова.
Како гори автомобилот први забележале комшиите на Гајдова, но засега нема информација дали некој го видел сторителот или сторителите.
На новинарско прашање дали се сомнева во некој, судијката вели. „Не сакам да размислувам во таа насока, меѓутоа, доколку станува збор за некаква порака, јас искрено немам намера да работам поинаку од она како што сум работела досега согласно закони и да носам одлуки согласно сопствените убедувања“.
Ова е трет случај на опожарување на автомобил оваа година на лице кое работи во Основниот суд во Велес. Од полицијата велат дека сé уште работат на расветлување на претходните два случаи, кога настрадаа автомобилите на Јордан Лазаров, поранешниот претседател на Основниот суд Велес, и на судијата Шевчет Адеми./крај/мф/ди
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.