Daily news
Груевски: Заев за мене зборува 24 часа на ден
![](https://makfax.com.mk/wp-content/uploads/2017/10/radovis7.jpg)
„Дојдете и придружете ни се, придружете им се на нашите напори да се обединиме и да ја направиме посилна Македонија. Лицето што го води СДСМ не вреди, заслужувате подобро, за тоа што овој човек не е загрижен за напредокот на градовите, не е загрижен за земјоделците, работниците, невработените. Тој ги нема сите во својата агенда, тој нема љубов кон знамето и татковината“, со овие зборови лидерот на ВМРО-ДПМНЕ, Никола, вечерва на митингот во родниот крај на Зоран Заев ги повика струмичани што досега гласале за СДСМ да ѝ се приклучат на опозицијата.
Во обраќањето пред струмичани, тој премиерот Заев ниту еднаш не го именува, нарекувајќи го лицето и овој човек.
„Тој за мене зборува 24 часа на ден затоа што, мои пријатели, тој многу добро знае дека нема капацитет и способност да преземе нешто и да го надгради тоа што досега сме го направиле. Тој е празен, неговиот капацитет, неговата визија не се доволни да го направат она што можеме ние да го направиме. Ве повикувам да му ја дадеме на овој човек лекцијата што ја заслужува. Изгледа нема лице и храброст да научи, но ајде ние да го научиме, тој само парадира секојдневно и го менува лицето како секој ден да е карневал во Струмица. Тој е празен човек, не може да постигне ништо, но заслужува лекција. Дали сте подготвени да ги научите со лекција оние што се неспособни и со празни ветувања за народот“, рече Груевски на митингот на ВМРО-ДПМНЕ и коалицијата „За подобра Македонија“ во Струмица.
Тој се осврна на сите проекти што минатата власт ги започнала и ги завршила изминатите години и вети тие ќе продолжат и во наредниот период ако ја добијат довербата на граѓаните.
„Многу работиме и правиме сè за и другите да добијат работа. Знаеме како да обезбедиме работа, знаеме како да создадеме урбани средини. Ние обезбедуваме работа – тие празни зборови, ние испорачуваме резултати – тие магла. Не сме едни од оние што од следниот ден ќе ве заборават, ние сме партија на сите граѓани и сме гаранција за стабилноста и за силна Македонија“, рече Груевски ветувајќи нови 150 илјади работни места, проекти, инвестиции, бесплатни обраци за децата од прво до петто одделение…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.