Вчера околу 22 часот во Штип, полициски службеници од СВР Штип ги лишија од слобода 21-годишниот Ф.Т., 22-годишниот Ц.Н.С. и 23-годишниот Ј.Ц.С., сите од Република Турција, поради основи на сомнение за сторено кривично дело по чл. 215 од КЗ.

Претходно, при претрес во стан во Штип во кој тие престојувале, полициски службеници пронајдоа 123 семки канабис. По документирање на случајот ќе бидат поднесени соодветни поднесоци.

Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се здобил со тешки телесни повреди, објави РТС.

Возило „киа“ со македонски регистарски таблички, кое се движело по автопатот кон Хоргош, излетало од патот, а потоа се превртело.

Во несреќата загинал сопатникот Н.А.(39), додека возачот А.А.(60) е тешко повреден и пренесен во болницата во Суботица каде што ја прима потребната медицинска помош, извести РТС.

Сообраќајната полиција и обвинителот на Основното јавно обвинителство во Суботица биле на местото на настанот.

Основното обвинителство на Суботица наведува дека против возачот ќе биде поднесена кривична пријава за тешко дело против безбедноста во јавниот превоз.

Едно лице загина, а едно е тешко повредено во сообраќајна несреќа што се случи утрово.

Како што објави српски „Блиц“, околу 5:15 часот наутро на автопатот, упатувајќи се во правец кон Хоргош, возачот на „Киа“ со македонски регистарски таблички ја изгубил контролата врз возилото и излетал од патот, по што возилото се превртело.

Возачот бил тешко повреден и бил пренесен во Општата болница во Суботица, додека сопатникот починал на местото на настанот.

Истрагата ја спроведоа обвинителот на Основното јавно обвинителство во Суботица и сообраќајната полиција.

Против возачот ќе биде поднесена кривична пријава за тешко дело против безбедноста во јавниот сообраќај.