Европа
Десничарскиот терорист Брејвик ќе студира политикологија
Норвешкиот десничарски екстремист и масовен убиец Андерс Брејвик се појави во петокот на универзитетот во главниот град Осло каде што ќе студира од затворската ќелија политички науки, и покрај жестоките протести на јавноста згрозена од неговото убиство на 77 луѓе, соопшти норвешкиот универзитет.
Претходно норвешките медиуми пишуваа дека кон средината на јуни Андерс Вехринг Брејвик поднел документи за упис на студии. Како што пренесува Associated Press повикувајќи се на администрацијата на Универзитетот Осло, радикалот своето образование ќе го стекнува во затворската ќелија.
Ректорот на универзитетот Оле Петер Оттерсен, изјави во петокот дека „сите затвореници од норвешките затвори можат да добијат високо образование во Норвешка, доколку нивниот степен на образование ги исполнува барањето на приемната комисија“.
„Тој ги исполни сите услови. Се придржуваме до нашите правила и ќе го примиме“, изјави ректорот Оттерсен, додавајќи дека затворениците може да студираат сé додека постигнуваат задоволителни резултати.
Две годни претходно, на Брејвик не му беше дозволен уписот, откако приемната комисија не го прифати неговото ниво на средно образование, потсетува агенцијата.
Многу луѓе биле запрепастени кога Брејвик, радикалниот антиисламист кој не покажа покајување за злосторството, се појавил на тригодишните студии од политички науки. Некои од студентите го преживеале неговиот напад, а на некои во атентатите им страдале колеги или членови на нивните семејства.
„Разбирам дека тоа е многу чувствително прашање. Тој се обиде да го разбие системот, а ние мораме да се придржуваме до него“, изјави за Reuters Оттерсен.
Меѓу предметите кои ќе ги студира Брејвик се демократија, човекови права и почитување на правата на малцинствата.
Според условите за издржување на казната, Брејвик е сместен во самица и нема може да присуствува на предавањата и на семинарите. Нема да биде во директен контакт со професорите и сите трудови ќе ги испраќа преку затворскиот персонал. Ќе може да користи книги, но нема да има пристап до интернет.
Сега 36-годишниот Андрес Брејвик на 22-ри јули 2011 година постави бомби во центарот на Осло пред владиниот комплекс во чии експлозии загинаа осум луѓе и беа уништени владини згради. Потоа замина на блискиот остров Утоја на кој се одржуваше летен камп на подмладокот на Лабуристичката партија која ја обвинува за попустливост кон имигрантите особено кон оние од исламските земји и со тоа за менување на демографската структура на Норвешка, и таму уби уште 69 претежно млади луѓе.
Бидејќи дотогаш норвешкиот законик не предвидуваше казни за тероризам, Брејквик е осуден по дополнителни законски преправки на 21 година затвор, што може да биде продолжено на неопределено време.
Во Осло следната седмица ќе биде отворен меморијален центар „July 22 Centre“ со информации и постојана поставка во врска со нападите. Некои од преживеаните и семејствата на настраданите, пак, стравуваат дека центарот може да стане всушност споменик на Брејвик./крај/мф/сн”
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.