Црна хроника
Нема политички мотиви за убиството на македонскиот пекар во Војводина
![](https://makfax.com.mk/wp-content/uploads/2016/10/525732_img3326_f.jpg)
Убиството на Слободан Стојановски од малото војводинско место Бечег, сопственик на пекарницата „Слобода“, не е политички мотивирано, ниту е поврзано со инцидентите од фудбалскиот натпревар Србија – Албанија, по кои изминатите денови на територијата на северната српска покраина војводина беа нападнати пекарници во сопственост на Албанци, изјавиле во саботата полициски извори за новосадскиот весник Дневник.
Според директорот на полицијата, Милорад Вељовиќ, уапсени се повеќе лица, меѓу кои е и убиецот на Стојановски. Полицијата ветила дека повеќе информации за идентитетот на убиецот кој бил уапсен во саботата наутро ќе соопшти подоцна во текот на денот, откако ќе заврши неговото сослушување.
Слободан Стојановски со прекар Кица,чие безживотно тело до смрт избодено со нож било откриено во куќата, целиот живот работел и живеел споменатото село во близина на Нови Сад во ова село. Бил познат како мирен човек за чиишто прочуени лепињи во четврток и петок навечер се стоело во ред, пишува Дневник.
Според соседите, живеел сам и не бил женет, а работел колку што му било доволно во пекарницата која била во рамките на семејната куќа./крај/мф/сн
Извор: Дневник
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
При претрес во Охрид пронајдена дрога, приведени две лица
![](https://makfax.com.mk/wp-content/uploads/2024/01/ohrid-ezero.jpg)
Двајца скопјани се приведени во Охрид откако кај нив била пронајдена дрога.
„На 06.07.2024 во 02.35 часот во СВР Охрид се лишени од слобода В.Н.(25) и А.Т.(22), двајцата од Скопје.
При преглед кај нив била пронајдена марихуана, а при претрес извршен по добиена судска наредба во камп приколка во Охрид, што ја користел А.Т., полициските службеници пронајдоа и одзедоа марихуана, грендер и други предмети со остатоци од марихуана“, информира МВР.
По целосно документирање на настанот, против нив ќе биде поднесена соодветна пријава.
Црна хроника
Претрес во Кочани: пронајдена дрога, приведен дилер
![](https://makfax.com.mk/wp-content/uploads/2022/11/privedeni-960x641.jpg)
26-годишен кочанчанец е приведен откако по претрес во неговиот дом е пронајдена дрога.
„На 05.07.2024 во 21.30 часот во Кочани, полициски службеници од ОВР Кочани го лишиле од слобода А.Ј.(26) од Кочани, затоа што при претрес во неговиот дом извршен со судска наредба кај него биле пронајдени и одземени марихуана, бела прашкаста материја и пари“, информираат од МВР.
По целосно расчистување на случајот против него ќе следува соодветен поднесок.
Црна хроника
Кривични против пет малолетници од Скопје за „разбојништво во обид“
![](https://makfax.com.mk/wp-content/uploads/2017/04/gradski-park.jpg)
СВР Скопје поднесе кривична пријава против пет малолетници од Скопје, поради постоење основи на сомнение за сторено кривично дело „разбојништво во обид“, извести МВР.
„На 28.02.2024 во Градскиот парк во Скопје, пријавените му побарале пари на Ф.П.А. и се обиделе насилно да му го одземат паричникот“, соопшти МВР.