Uncategorized
(Видео) Игњат Панчевски: Ратко Младиќ се криел и на Скопска Црна Гора
Адвокатот Игњат Панчевски со уште едно необично тврдење дека осудениот српски генрал Ратко Младиќ со години се криел во тајна куќа во селото Бродец на Скопска Црна Гора и преку курир кој е Македонец контактирал со странски разузнавачи. Адвокатот Панчевски за соработката на поранешниот генерал и странските разузнавачи покажа докази што му ги доставил курирот, кој инаку е негов клиент.
Панчевски вели дека шифрираните писма, на кои има потпис и печат на генералот Младиќ, курирската торба и книгата во која се носела поштата го навела да му верува на својот клиент дека бил дел од операцијата за криење на осуденикот.
„Мојот клиент бил врбуван од тајните служби, обучен и бидејќи ја добил нивната доверба, станал курир и ја разнесувал поштата помеѓу Ратко Младиќ и тајните служби. Тој носел шифрирани писма и на претставници на НАТО. Некои од тие писма успеал да ги зачува и да му ги достави како доказ“, вели адвокатот Панчевски.
Според кажувањето на Панчевски, курирот по завршувањето на операцијата требало да ја открие тајната локација и да ја добие паричната награда од меѓународната потерница што беше распишана за главата на Младиќ. Но, како што тврди скопскиот адвокат, неговиот клиент се посомневал дека ќе биде изигран од тајните служи и не сакал да учествува во предавството на генералот.
„На мојот клинет функционерите од тајните служби му кажале дека тој е избран да го лоцира Младиќ уште пред да биде однесен и уапсен во Војводина. Но, тие му кажале дека за оваа услуга нема да ја добие наградата од 5 милиони долари туку 10 отсто од неа. Ова му станало сомнително и ризично дека ќе навлезе во многу подлабоки води. По ова бега од таму и доаѓа кај мене каде што побара правна заштита“, додава Панчевски.

Адвокатот Панчевски вели дека се сомнева оти македонските тајни служби не знаеле за тајната операција и криењето на Младиќ. Инаку, според кажувањето на неговиот клиент, куќата во која се криел генералот била добро обезбедена и под постојан надзор од обезбедувачи.
Г.Д.М
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Нови првични резултати: Ѓорѓиевски води во Скопје, Герасимовски во Центар, во Карпош Лукровски
Според првичните резултати од вториот круг на локалните избори 2025, во Скопје води кандидатот на ВМРО-ДПМНЕ, Орце Ѓорѓиевски со над 71.875 гласа наспрема Амар Мециновиќ од Левица со 41.522 гласови од пребројани вкупно 77,53 отсто од избирачките места.
Во повеќето општини водство има Ѓорѓиевски, освен во Карпош и Центар, каде повеќе гласови има Мециновиќ.
Во Карпош, од 62,22 отсто обработени гласови Стевчко Јакимовски има 42,56 отсто или 7.641 гласови, додека кандидатот на ВМРО-ДПМНЕ и коалицијата Сотир Лукровски 47,65% или 8.555 гласови.
Во Центар од 75,15% обработени гласови, кандидатот на ЗНАМ Мирослав Лабудовиќ има 38,63% или 6.138 гласови, додека кандидатот на СДСМ, Горан Герасимовски има 52,39% или 8.325 гласови.
Uncategorized
АХВ се вклучи во одбележувањето на 16 Октомври – Светскиот ден на храната
Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври – Светскиот ден на храната.
Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.
ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.
Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.
Uncategorized
Турција: Нашата дипломатија го спречи доаѓањето на Нетанјаху на самитот во Египет
Турската влада соопшти дека Анкара одиграла клучна улога во спречувањето на израелскиот премиер Бенјамин Нетанјаху да присуствува на самитот за Газа во Египет.
„По иницијатива на претседателот Реџеп Таип Ердоган и благодарение на турските дипломатски напори, Нетанјаху нема да учествува на состанокот“, изјавил владин претставник за германската агенција „ДПА“.
Израел пак тврди дека Нетанјаху не отпатувал поради еврејскиот празник Симхат Тора, иако претходно беше најавено негово присуство.
Самитот во Шарм ел-Шеик го предводи американскиот претседател Доналд Трамп, а учествуваат најмалку 20 светски лидери.

