Daily news
ВМРО-ДПМНЕ: Судските органи намерно ја развлекуваат процедурата за притворените патриоти
Невини луѓе, без никаква правна основа, политички се држат во притвор во Истражниот затвор – Скопје, се наведува во денешното соопштение на ВМРО-ДПМНЕ.
Според опозициската партија, правосудните органи ја развлекуваат процедурата поврзана со одлучувањето по жалбите, иако станува збор за итни предмети.
„Ваквото однесување е уште едно недозволиво кршење на правата на притворените. Судот мора да биде заштитник на законитоста и гарант за правична постапка. Оваа обврска на судот не смее да биде погазена од судиите, без разлика со каков притисок се соочуваат. Судот не смее да биде соучесник во конструираниот прогон за тероризам на десетици македонски патриоти. Апелациониот суд има шанса да застане во одбрана на демократијата и правната држава и да стави крај на конструираниот случај против десетици патриоти за настаните од 27 април минатата година во Собранието“, стои во соопштението на политичката партија.
Од ВМРО-ДПМНЕ исто така наведуваат дека судот пред себе има доволно факти кои укажуваат дека станува збор за конструиран случај.
„Судот има на увид документи кои упатуваат на кршење на правата на граѓаните во текот на целата постапка, од чинот на апсење до истражниот затвор во кој се сместени. Народниот правобранител јасно предочи дека полицијата извршила прекршување на законот при апсењето, со што директно извршила кривично дело. Не почитувајќи ги имунитетот на пратениците, но и презумпцијата на невиност. Судот не смее да го занемари извештајот на Народниот правобранител. Судот не смее да ги занемари аргументите и да остане соучесник во конструираниот случај“, се наведува во соопштението.
Од партијата потенцираат дека конструираните случаи не смеат да станат наше секојдневие.
„Институциите не смеат да се злоупотребуваат за фабрикување на политички постапки и политички прогон. Гушењето на демократијата и притворањето на оние кои имале храброст гласно да говорат против актуелните политики не се одлика на демократска власт“.
Државата има потреба од силни и независни институции, заштитник на граѓаните и нивните права, наведуваат од ВМРО-ДПМНЕ.
Како што велат, демократијата и правната држава се право на граѓаните и тоа не смее да им биде скратено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.