Црна хроника
Со пластична туба украл 40 литри нафта
На 16.04.2014 година од страна на ЕОК-ОИД – отсек за дрски и разбојнички кражби до надлежното ОЈО Скопје поднесе кривична пријава против лицето А.Ф. (46) од Скопје поради основано сомнение дека извршил едно кривично дело – “разбојничка кражба”.
Имено, пријавениот кривично дело го извршил на ден 15 овој месец на подрачје на ПС ОН Центар во попладневните часови на тој начин што дошол со своето ПМВ и од истото извадил една пластична туба и погоден алат со кои од ТМВ-Волво одзел околу 40 литри нафта.
Во моментот кога ја ставал пластична туба со украдената нафта во неговото возило, бил забележан од страна на оштетениот, при што А.Ф. го стартувал возилото и со голема брзина се упатил кон излезот на плацот.
Оштетениот застанал пред него, се обидел да го сопре за да си ја поврати одземената нафта, меѓутоа пријавениот ја зголемил брзината и директно се упатил кон оштетениот, кој што инстинктивно скокнал преку хаубата и попатно бил закачен на левата потколеница.
Пријавениот при тоа удрил во друго возило кое било паркирано и со голема брзина заминал во правец на бензинската пумпа а оттаму во непознат правец. Неколку часови после извршувањето на кривичното дело од страна на ЕПОИ- Алфа А.Ф: е лишен од слобода и приведен во ПС ОН Центар каде е извршен разговор со него, во кој разговор во целост го појасни начинот на извршување на кривичното дело.
Исто така во службените простории на ПС од ОН Бит Пазар извршено е непосредно препознавање при што оштетениот со сигурност го препозна лицето А.Ф. како сторител на кривичното дело. Пријавениот е регистриран сторител на кривични дела од областа на имотните деликти и на истиот му се изречени осум затворски казни и една парична казна./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“ изгубил контрола и удрил во контејнери и во паркирано возило алфа Ромео. Осомничениот, 22-годишниот М.А.А. од Турција со привремен престој во Скопје, избегал од местото, јави Министерството за внатрешни работи.
Според пријавата, настанот се случил вчера во 22:50 часот. Полицијата го лоцирала возачот по кратка потера и го привела. При алкотест му биле измерени 0,97 промили алкохол во крвта, а по распитот бил изнесен пред судија за прекршоци.
Осомничениот се товари за 3 прекршоци, недозволена брзина, напуштање на лице место и возење под дејство на алкохол.
Црна хроника
Излизган камион го прекина сообраќајот на патот Струмица-Ново Село
Излизган камион на магистралниот пат Струмица-Ново Село-граничен премин со Бугарија, пред влезот во селото, предизвика прекин на сообраќајот од скоро еден час, од 14:10 до 15:00 часот.
Според информации од СВР Струмица, во сообраќајката нема повредени и загинати, а причинета е само материјална штета.
И од АМСМ информираа дека сообраќајот на магистралниот пат А4 Струмица – Ново Село кој беше во прекин поради случена сообраќајна незгода е нормализиран.
– Сообраќајот на државните патишта се одвива непречено, по влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, информира АМСМ.
Црна хроника
Со БМВ удрил во контејнери и автомобил, па побегнал
Вчера во 22:50 часот во СВР Скопје е пријавено дека на сервисна улица од ул.„Матеја Матевски“ во Скопје патничко возило БМВ со скопски регистарски ознаки, управувано од М.А.А.(22) од Р.Турција, а со привремен престој во Скопје, удрило во контејнери и патничко возило алфа ромео со демиркаписки регистарски ознаки. М.А.А. го напуштил местото на настанот, но по преземени мерки од полициски службеници, тој набрзо бил фатен.
По целосно документирање на случајот ќе следува соодветен поднесок.

