Daily news
Заврши состанокот на КОСАП, поддршка за влез на Западен Балкан во ЕУ до 2025 година
Заврши 13. состанок на Конференцијата на парламентарните комисии за европски интеграции на земјите учеснички во процесот за стабилизација и асоцијација на Југоисточна Европа -КОСАП, кој беше оддржан во Скопје на 25 и 26 февруари 2018 година во Собранието на Република Македонија. На состанокот учествуваа членовите на парламентарните комисии за европски интеграции/прашања од Албанија, Босна и Херцеговина, Македонија, Црна Гора и од Србија. Членовите на комисиите за европски интеграции на Големото национално собрание на Република Турција и на парламентот на Косово присуствуваа на Конференцијата како набљудувачи. Претседателот на Комисијата за европски прашања и контрола на европските фондови на парламентот на Бугарија, претставниците на Европскиот парламент, претставниците на невладините организации и претставниците на дипломатскиот кор учествуваа на состанокот како специјални гости.
Со цел за редовна размена на ставовите по однос на прашањата што се однесуваат на процесот за стабилизација и асоцијација (ПСА), како и на процесот за проширување на ЕУ, а во врска со новата стратегија за кредибилна перспектива на проширувањето и за поголем ангажман на ЕУ со земјите од Западен Балкан на Европската комисија, членовите на 13-тата Конференција во Скопје – КОСАП ги поздравија приоритетите на бугарското претседателство со Советот на ЕУ во првата половина на 2018 година во однос на европската перспектива и поврзаноста на Западен Балкан, како и оддржувањето на самитот на шефови на држави и влади во април годинава, посветен на Западен Балкан. Во тој контекст позитивно ја оценија обновената поддршка на ЕУ за иднината на регионот како составен дел на ЕУ по состанокот на Европскиот совет во Солун во 2003 година.
Тие изразија целосна согласност со оценките содржани во стратегијата за кредибилна перспектива на проширувањето и за поголем ангажман на ЕУ со земјите од Западен Балкан и ја подржаа политиката на проширувањето како долгорочен и стратегиски концепт во Европа и во регионот, кој ќе придонесе кон заеднички придобивки за мирот, безбедноста и просперитетот на Европа. Позитивно го оценија новиот пристап на стратегијата како документ што определува обврски не само за земјите од Западен Балкан туку и за ЕУ, односно процесот на проширување го прави двонасочен. Истовремено, искажаа задоволство во врска со планот на Европската комисија за пообединета, посилна и подемократска Унија до 2025 година, во кој се предлага, врз основа на важечкитедоговори, подобрување на ефикасноста на процесот за донесување одлуки во рамките на ЕУ, со унапредување на процесот на гласање со квалифицирано мнозинство за прашањата за надворешната политика или за прашањата од внатрешниот пазар.
Позитивно е оценето и зголемувањето на финансиската поддршка за имплементација на стратегијата, која во 2018 година ќе изнесува една милијарда евра за поддршка на процесот на трансформација на општествата на земјите од Западен Балкан, како и на инвестициската рамка за Западен Балкан, во која инструментот за претпристапна помош – ИПА постепено ќе се зголемува до 2020 година и ќе има централна улога во поттикнувањето финансирање на странски инвестиции во регионот.
Учесниците ја поздравија иницијативата на Европската комисија за зајакнување на владеењето на правото со проширување на постојните инструменти за преговарање и на акциските планови за сите земји од Западен Балкан. Се согласија дека овие политики треба да се приспособуваат кон стандардите на ЕУ преку подобрување на оценувањето на спроведените реформи, со вклучување нови советодавни мисии во сите земји. Тие ја поддржаа иницијативата на Европската комисија за зајакнување на соработката во областа на безбедноста и миграцијата преку поголема соработка во областа на борбата против организираниот криминал, тероризмот и насилниот екстремизам, како и во областа на пограничната безбедност и управувањето со миграциите. Исто така, позитивно ја оценија иницијативата на Европската комисија за поголема поддршка за социо-економскиот развој со фокус на вработувањето и социјалната политика.
Тие исто така се согласија со иницијативата на Европската комисија за зголемување на транспортната и енергетската поврзаност на регионот со ЕУ, вклучително и поддршката за новите инвестиции, со акцент на зајакнување на енергетскиот сојуз на ЕУ во сите негови димензии и негово проширување со земјите од Западен Балкан. На Конференцијата е акцентирана важноста на иницијативата на Европската комисија за дигиталната агенда за Западен Балкан преку полесно намалување на трошоците за роаминг, поддршка на воведување широкопојасен интернет во регионот и развој на системите за електронска управа, електронска набавка, електронско здравство и развој на дигиталните вештини.
Се согласија со иницијативата на Европската комисија за поддршка на помирувањето и добрососедските односи, која опфаќа поддршка за транзициската правда, проблемот со исчезнатите лица и зголемената соработка во областа на образованието, културата, младите и спортот. Изразена е и поддршка на Берлинскиот процес, инициран од германската канцеларка Ангела Меркел и на одржаните самити во Берлин, Париз, Виена, Трст, како и на претстојниот самит во Лондон, кои се во насока на ревитализирање на политиката на проширување и видливо ја зајакнаа регионалната соработка. Особено го поздравија потпишувањето на декларацијата за регионална соработка на министрите за надворешни работи од Западен Балкан во Виена за решавање билатерални прашања, во која повикуваат да нема блокирање на напредокот на соседите кон членството во ЕУ. Го истакнаа значењето на договорот за транспортна заедница, потпишан во Трст, потребата од негово спроведување преку конкретни развојни проекти, како што се коридорите 8 и 10, со цел да се подобрат транспортната инфраструктура и регионалното поврзување, подобрување на економиите и на животниот стандард на граѓаните. Го поздравија основањето на Регионалната младинска канцеларија за соработка (РИКО) со седиште во Тирана како можност за враќање на довербата кај младите и унапредувањето на нивната меѓусебна соработка на патот кон ЕУ.
„Нагласена е важноста на вклучување на организациите и здруженијата на граѓанското општество и пошироко на ниво на секој граѓанин во работата на парламентарните комисии за европски интеграции/прашања од аспект на следење на ЕУ-законодавството и промовирање на европските вредности. Предложено е да ѝ се даде поголем импулс на регионалната соработка помеѓу парламентарните комисии за европски интеграции/прашања во промовирање на европските вредности, размената на најдобри пракси при усвојување и хармонизирање на националната легислатива со европското право и зајакнување на парламентарната надзорна функција. Исто така, изразено е очекување за заокружување на интеграцијата на земјите од Западен Балкан во Европската Унија до 2025 година“, се вели во соопштението од Комисијата за европски прашања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Обвинителката собра докази против тројцата осомничени за убиството на Вања и Панче, за Палчо истрагата трае
Скопската обвинителка Жаклина Крстевска-Јосифовска ја заврши истражната постапкa, односно како што појаснуваат од ОЈО Скопје за Макфакс, преземени се сите...
Сè уште се трага по хеликоптерот со кој леташе иранскиот претседател Раиси, објави ИРНА
Државната Иранска новинска агенција (ИРНА) објави дека во тек е опсежна операција за пребарување и спасување откако хеликоптерот со иранскиот...
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер...
Во сообраќајката на „Водњанска“ во Скопје со повреди завршија седум лица
Седум лица се повредени во тешката сообраќајна несреќа која синоќа се случи на улица „Водњанска“, пред влезот на Клиничкиот центар...
Силните дождови поплавија подруми и гаражи во Охрид
Локални дождови вчера и во текот на ноќта имаше на повеќе места во државата. Регионалниот Центар за управување со кризи...
Четири возила се судрија пред Клинички центар „Мајка Тереза“, неколку лица се повредени
Сообраќајна несреќа вечерва вечерта се случи на булеварот „Мајка Тереза“ во Скопје, пред влезот на Клиничкиот центар. Според првичните информации, во...
Еден починат и еден тешко повреден во несреќа во лифт во Штип
Едно лице почина, а друго се бори за живот во Клиничката болница- Штип од повреди добиени во несреќа, што според...
Бебе почина во болница во Охрид
Вчера во СВР Охрид, пријавено е дека во 8.10 часот во Општа болница во Охрид починало деветмесечно бебе. Бебето претходно...
Вработена во МВР наплатувала по 15.000 евра за лажно посредување за социјален стан
Основното јавно обвинителство Скопје донесе Наредба за спроведување истражна постапка против 41-годишна вработена како аналитичар во СВР Скопје која е...
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на...
Нема крај на нападите од улични кучиња, полицијата во Скопје доби нови три пријави
Билтенот на Министерството за внатрешни работи секојдневно е полн со пријави за настани на граѓани каснати од улични кучиња. Такви...
За осомничениот за убиството на братот и снаата се бара притвор
Јавен обвинител од Основното јавно обвинителство Скопје до Основниот кривичен суд Скопје достави предлог за определување мерка притвор за лице...
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила...
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и...
Денес малку сонце, па облачно, попладне нестабилно со пороен дожд и грмежи
Времето денес ќе биде сончево и топло со мала до умерена облачност. Ќе дува слаб до умерен ветер од јужен...
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот...
Понижувани сме и навредувани, стравуваме дека прозивките ќе преминат во лични напади, реагираат Даштевски и уште петмина од ДИК
Претседателот на Државната изборна комисија (ДИК), Александар Даштевски, и членовите Радица Ристеска, Оливер Ристовски, Борис Кондарко, Бобан Стојаноски и Абдуш...
Рама до Бугарија: Ја блокирате Северна Македонија за да покажете дома колку сте силни, политиката е антиевропска
Албанскиот премиер Еди Рама упати критики до официјална Софија и до сите ЕУ-членки што користат билатерални прашања за блокади на...
Кривичен суд го добил барањето од Палевски за адвокат
Кривичниот суд го добил барањето од Истражниот затвор „Скопје“ во Шуто Оризари за ангажирање адвокат што ќе го застапува осомничениот...
Екстрадиран Бесим Красниќи
Министерството за внатрешни работи ја известува јавноста дека полициски службеници од Секторот за меѓународна полициска соработка при МВР и Единицата...
