Црна хроника
Одзел пари од каса и потоа лажно пријавил дека го ограбиле
Осумнаесегодишен скопјанец одзел 35.000 денари од каса во продавницата во која работел, а потоа лажно пријавил во полиција дека го ограбиле, соопшти Министерството за внатрешни работи.
И.С. на 11-ти минатиот месец во полициската станица Драчево пријавил дека во близина на маркетот „Стокомак” двајца непознати сторители го нападнале и му одзеле паричник во кој имало 35.000 денари, доверени пари од дневен промет од продавницата „Вимбо Комерц” и два мобилни телефони.
Со цел за утврдување на наводите на И.С., полицијата извршила оперативни проверки и утврдила дека кривичното дело „разбојништво” не е извршено, а доверените пари од дневниот промет ги задржал за себе и истите ги сокрил во неговата соба од семејната куќа.
Истиот ден И.С. во разговор со полицијата го признал делото и појаснил дека лажно пријавил кривично дело со цел да ги присвои доверените пари, а мобилните телефони имал намера да ги чува дома некое време и потоа пак да ги користи.
Полицијата ги одзела парите од И.С. и истите му биле вратени на сопственикот на продавницата.
Против И.С. е поднесена кривична пријава под сомнение дека сторил кривични дела „лажно пријавување” и „затајување”.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.