Домашен
Червар: Ќе се обидеме да ја победиме Ла Риоха
Шпанскиот тим Ла Риоха е тимот против кого Металург ќе се обиде да ја оствари првата победа оваа сезона во ракометната Лига на шампиони (ЛШ). Минатата сабота , во Логроњо, Шпанците забележаа победа од 31:27, со што му го нанесоа петтиот пораз во истото толку натпревари на македонскиот шампион, во А групата во ЛШ.
Првиот меч со Ла Риоха беше прв за Металург по кризата која го зафати клубот и која предизвика егзодус на странските ракометари од екипата. Во една таква ситуација, победникот на тој меч го реши ‘подолгата’ клупа на Ла Риоха. Тренерот на Металург, Лино Червар, речиси цел натпревар го одигра со истата постава, менуваше само на пикерската и крилните позиции, додека целиот товар го понесе бековската тројка Миркуловски, Мојсовски, Вугринец.
„Против Ла Риоха игравме со сосема поинаков состав, во однос на претходните натпревари. Игравме со македонски играчи и можам да кажам дека бев задоволен од борбата и желбата која ја покажаа играчите. Ла Риоха е тим за респкет и не очекува тежка задача, тие на секоја позиција имаат по двајца подеднакво квалитетни играчи. Ќе биде тешко да ги сопреме, особено на надворешните позиции. Ние ветуваме голема борба, особено тоа им го должиме на нашите навивачи кои исклучително ги почитуваме, поради силата која тие ни ја даваат јас го сакам овој клуб, мене Македонија ми е втора татковина. Никаде такво ракометно задоволство не сум почувствувал како во Скопје. Поради невивачите ми е најмногу жал што дојдовме во ваква ситуација, но мислам дека исто така е важно да ги охрабрат нашите играчи“, рече на прес конфернцијата во пресрет на мечот со Ла Риоха, Лино Червар.
„Ќе дадеме се од себе за да ги израдуваме нашите навивачи. Ќе си поставиме за цел против Брест, Загреб и Ла Роха да освоиме шест бода, ќе се обидеме иако знаеме дека ќе биде многу тешко. Мотивацијата нема да ни недостига, таа секогаш е присутна, сите резултати кои ги постигнувавме изминатите години не навикнаа повеќе да победуваме, тоа не направи победници, поради тоа сега не ние убаво кога губиме. Единствена сме екипа покрај Швеѓаните кои имаме 0/5, тоа не боли“, рече Ванчо Димовски.
Натпреварот помеѓу Металург и Ла Риоха ќе се одигра в сабота во СЦ „Борис Трајковски“, со почеток во 19 часот./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.