Градоначалникот Коце Трајановски на граѓаните на Скопје им вети проекти чија цел била само да се искористат во кампањата за локалните избори 2013 година. 

Ова во понеделникот на прес – конференција го соопшти Предраг Трпески, член на Советот на Град Скопје кој истакна дека со новиот ребаланс на буџетот се намалуваат средствата за клучните проекти од интерес на граѓаните на Скопје.

„Се кратат средства за изградба на јавно осветлување за 16%, за изградба на магистрални и собирни улици за 21%, за изградба на сообраќајна сигнализација за 27%.  Големо е намалувањето на средствата за секторот образование кое изнесува 24%. Средствата за реализација на проектот Подземна сообраќајница, во износ од 90 милиони денари, со ребалансот на буџетот во целост се бришат. Со ова Градоначалникот Трајановски на граѓаните на Скопје практично им соопшти дека овој проект нама да се реализира и дека целта на истиот била само да се искористи во кампањата за локалните избори 2013 година“, се вели во изјавата на Трпески.

Од друга страна, како што вели советникот од Град Скопје, со ребалансот се зголемиле трошоците за набавка на мебел, за луксуз од проектот Скопје 2014, за изградба на катни гаражи, а биле додадени и нови ставки, како што е набавката на Пајтон, која Градот Скопје се предвидува да ја субвенционира со 2,6 милиони денари./крај/мф/ап