Спорт
Тренерот на Сампдорија збесна: Доста ми ги продавате најдобрите играчи
Тренерот на Сампдорија, Марко Џампаоло, откако неговиот тим прими девет гола во двата порази во низа, вели дека нема шанси да се „мрднат“ од средината на табелата во Серија А доколку клубот продолжи да ги продава најдобрите играчи.
Џампаоло го предводе…
Тренерот на Сампдорија, Марко Џампаоло, откако неговиот тим прими девет гола во двата порази во низа, вели дека нема шанси да се „мрднат“ од средината на табелата во Серија А доколку клубот продолжи да ги продава најдобрите играчи.
Џампаоло го предводеше клубот од Џенова до 10. место во Серија А во првата сезона на чело на клубот, и по добриот старт на новата сезона, беа на шестото место, пред да паднат на осмото по 4:1 поразите од Кротоне и 0:5 на домашен терен од Интер.
„Доаѓа момент кога мора да направите скок во квалитетот. Морате од адолесцент да станете маж, инаку не сте направиле ништо. Нема равенка со која ги продавате најдобрите играчи и станувате подобри на табелата. Такво нешто е невозможно. Тим кој има 40 поени и ги продава најдобрите играчи, следната година ќе добие 48 поени и ќе ги продаде најдобрите играчи… Колку треба следната сезона? 70?“, изјави лутиот Џампаоло.
На крајот на минатата сезона, Самп ги продаде дефанзивецот Милан Шкринијар (Интер), напаѓачот Луис Муриел (Севилја), и го позајми Патрик Шик на Рома. Капитенот на Интер, Мауро Икарди, кој им даде четири гола во неделата, е еден од поранешните играчи на Сампдорија.
Самп имаше „златен период“ на крајот на 1980-тите и почетокот на 1990-тите, кога со играчи како Роберто Манчини и Џанлука Виали ја освоија единствената титула од Серија А и европскиот Куп на куп победници, а во 1992 година играа во финалето на Европскиот куп.
По ова следуваше драстичен пад, откако тимот помина четири години во Серија Б, пред да се вратат во Серија А во 2003 година, но нема враќање на славните денови.
Претседателот на клубот, Масимо Фереро и покрај предупредувањата на Џампаоло директно призна дека размислува за нови трансфери.
„Дали жалам за продажбата на Шкринијар за добра цена? Не жалам за ништо. Сега многу тимови го сакаат Лукас Тореира, така што може да замине. Кога дојде кај нас никој не го знаеше. Исто така сите прашуваат за Денис Прет и Карол Линети“, изјави Фереро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.