Спорт
Алонсо е „сосема поинаков возач“ во 2018?
Фернандо Алонсо е „сосема поинаков“ Формула 1 возач пред новата сезона, вели тркачкиот директор на тимот, Ерик Булие.
Мекларен оваа година се префрлија на моторите на Рено по три катастрофални сезони со Хонда, и Булие смета дека шпанскиот двократен све…
Фернандо Алонсо е „сосема поинаков“ Формула 1 возач пред новата сезона, вели тркачкиот директор на тимот, Ерик Булие.
Мекларен оваа година се префрлија на моторите на Рено по три катастрофални сезони со Хонда, и Булие смета дека шпанскиот двократен светски шампион е „препороден“ по промената. Алонсо постигна само 82 поени во последните три сезони, а две петти места му беа најдобар пласман по враќањето во Мекларен.
„Нашите возачи, а посебно Фернандо, никогаш нема да пропуштат шанса да ни кажат каде грешиме. Но, видете го, ова е поинаков Фернандо оваа година. Тој е среќен. Се работи за човек со висока конкурентност и некој кој секогаш сака нешто повеќе“, вели Булие.
Зимското тестирање не помина најдобро за Мекларен, откако тимот имаше пет откажувања и со 599 кругови помина најмалку од сите 10 Ф1 тимови, но сега велат дека сите проблеми се решени и дека се чека стартот на сезоната овој викенд во Мелбурн.
„Ја немавме подготвеноста која ја очекувавме на зимското тестирање, но сите проблеми кои ги забележавме беа решени во фабриката. Зад тоа што го гледате има многу луѓе кои работат напорно секој час за да извлечат максимум од болидот“, додава Булие.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.