Дваесет идвегодишен скопјанец е обвинет за две кривични дела, и тоа недозволено оружје и распрскувачки материи, како и дело тешка кражба, соопшти во саботата СВР Скопје.

Првото кривично дело пријавениот го извршил на почетокот на месецов, односно на 4-ти март, кога на булеварот „Македонско-косовска бригада” во близина на раскрсницата со улицата „Џон Кенеди” во скопската населба Чаир, кога припадници на полициската единица „Алфа”, откако имале добиени претходни сознанија го запреле возилото и при претрес кај лицето кое е идентификувано со иницијалите В.Р. во појасот од панталоните пронашле пиштол марка „ЦЗ “99 (Црвена застава) и една рамка со шест куршуми калибар 9 мм кои неовластено ги држи со себе.

Кривичното дело „тешка кражба”, пак, пријавениот го извршил на 26-ти февруари годинава во стан на улицата „Методија Митевски”, исто така во населбата Чаир, откако претходно се уверил дека нема да биде забележан од никого, со помош на погоден алат и физичка сила делувал на влезната врата која успеал да ја отвори. Во станот пронашол и украл еден службен пиштол марка „ЦЗ 99″ ( Црвена застава) и една рамка со 15 куршуми калибар 9 мм.

Инаку, станува збор за лице коешто минува во крим евиденциите на полицијата и против коешто веќе пред три години била поднесена кривична пријава, исто така, за тешка кражба./крај/мф/сн