Политика
Одржано првото рочиште од судењето Груевски-Заев
Првото подготвително рочиште од судскиот процес во кој премиерот, Никола Груевски, го тужи лидерот на најголемата опозициска партија СДСМ, Зоран Заев, за клевета, се одржа во четврток во Основниот суд Скопје 2 без присуство на тужителот и на тужениот.
На почетокот на рочиштето одбраната го извести Судот дека непосредно пред судењето добиле известување од ликвидационото одделение на судот, што тие го побарале пред две недели, и побараа одложување на рочиштето за да имаат време да го разгледаат материјалот.
Адвокатот на Груевски, Никола Додевски, рече дека одбраната, како и на минатото рочиште коешто беше одложено, со злоупотреба на процесните права се обидува да го спречи почетокот на подготвителното рочиште што, според него, зборува за неподготвеноста да се соочи со последиците од своите дејствија на судење. На ова еден од шестмината адвокати на Заев, Мирослав Вујиќ, рече дека нивното барање за одложување на денешното рочиште се заснова на одредби од Законот.
Судијката го одби ваквото барање и го отвори првото подготвително рочиште на кое беа образложени тужбата и одговорот на тужбата.
Адвокатот Додевски образложувајќи ја тужбата нагласи дека се работи за изнесување невистини од страна на тужениот со намера да му се наштети на тужителот и на неговиот углед и чест.Според него, Заев ги изнесувал овие невистини за да се стекне со подобра позиција, а тоа, додаде, се поткрепува и со фактот дека ја пласираше аудио снимката во јавност за време на изборната кампања.
Тужителот истакна дека снимките не може да се земат како релевантен доказ и му предложи на судот да не ги прифати, како и резултатите од вештачењето на снимката. Поинаква одлука, додаде, би бил правен преседан што би имал последици за целиот правен систем.
На ова еден од адвокатите на Заев, Филип Медарски рече дека снимките се интегрален дел на прес конференциите што ги давал Заев во врска со содржината на истите, односно дека на нив тој изнесуваше делови од споменатото видео. Во врска со наводите на Додевски дека видеата не може да претставуваат доказ според законот, Медарски рече дека тие се прибавени според Законот за следење на комуникациите и Законот за кривична постапка.
Освен неприфаќење на аудио снимките како доказ, Додевски пред судот го постави и прашањето за сведоците и побара одбраната да се изјасни дали останува на одлуката за двајцата сведоци Јовица Стефановиќ Нини и Ден Дончев, со оглед на тоа што, како што рече, за едниот немаат адреса, а другиот живее во Австралија. На тоа одбраната одговори дека Дончев е подготвен да дојде во Македонија да сведочи, а Законот предвидува дека може да биде сослушан и во Австралија. Инаку Дончев е лицето чиј глас се слуша на снимката и кое ја договара провизијата од 1,5 милиони евра за тужителот, појасни еден од автокатите на Заев.
Рочиштето сé уште траеше во рантие попладневни часови и останува Судот да се изјасни дали ги прифаќа сите предложени докази и сведоци.
Инаку, додека се одвиваше рочиштето судијката повеќепати ги опомена двете страни за мир во судницата кои во повеќе наврати вербално се судрија.
Првото закажано подготивтелно рочиште на 19-ти јуни беше одложено поради обемност на материјалот што требало да биде разгледан од двете страни и од судот.
Груевски во април поднесе тужба за клевета против Заев по објавувањето на уадио снимка во која тој тврди дека Груевски се стекнал со кеш од околу 2.400.000 евра од продажбата на 51 проценти од акциите на Македонска банка./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.
Македонија
Димитриевски од Куманово упати порака до „загржените“: Ние не менуваме страни, ние едноставно за разлика од сите нив имаме став
Преседателот на Движењето ЗНАМ – За наша Македонија, Максим Димитриевски денеска, заедно со носителот на листата на кандидати за пратеници во ИЕ 2, Даниел Стојчевски и останатите кандидати имаше средби со граѓаните во Куманово.
Во изјавата за медиумите Димитриевски упати неколку прашања до поранешниот премиер Ковачевски и, како што рече, луѓето коишто ја узурпирале социјалдемократијата во Македонија.
„Сакам да го прашам Ковачевски каде беше додека режимот на Груевски ја газеше Македонија, додека пратеници беа исфрлани од Собрание, додека луѓе маршираа по улици и се бореа за демократија и праведно општество? Каде беше Ковачевски кога крвави излеговме од Собрание? Дали беше во друштво на Мијалков и Груевски во свечената ложа на Македонската филхармонија и уживаше во концертите? Дали тогаш беше вистински социјалдемократ, како што денеска глуми загрижен
социјаладемократ? Воедно да го прашам дали таа социјалдемократија за којашто тој се бори е всушност истата којашто се откажа од Гоце Делчев, ги избриша АСНОМ-ските повелби од Уставот на Македонија, дополнително ги прогласи за админстратори, а не за бугарски окупатори. Учествуваше во менувањето на македонската историја и погубното потпишување на меѓудржавни договори со коишто се нанесе долгорочно зло на Македонија и на следните генерации“. Димитриевски истакна дека патот на ЗНАМ е јасен.
„Ние продолжуваме заедно со граѓаните напред. Нашата цел е да бидеме со граѓаните и без рзлика кој со каква иделогија
е да ги застапуваме соодветно во идниот парламентарен состав. Повеќе од убеден сум дека витинските социјалдемократи денеска се во ЗНАМ. Ние не менуваме страни, ние едноставно за разлика од сите нив имаме став. А тие решија да ја уништат социјалдемократијата во целост грижејќи се за сопствените функции и позиции со тоа што се ставија самите себе си на
добитни места на пратеничките листи, кои се всушност листи за обезбедување на имунитет на сите оние коишто учествуваа во тешки кривични дела во државата за коишто треба да сносат одговорност, а воедно со тоа даваат еден лош пример на реалните социјалдемократи“.
Тој ги повика сите социјалдемократи, сите слободоумни граѓани да дојдат и да се приклучат во ЗНАМ.
„Во ЗНАМ има место за сите. ЗНАМ е граѓанска партија којашто не прави разлика помеѓу граѓаните ниту на верска, ниту на етничка,ниту на било која друга основа. ЗНАМ е место за сите, мместо кадешто сите Македонци и сите останати граѓани на Македоннија можат да се обединат“, рече Димитриевски и упати честитка за претстојниот празник.
„Во оваа прилика сакам да им го честитам претстојниот празник на сите христијани од православна исповед и да посакам здравје и среќа. Воедно ве повикувам заедно да се бориме против црно-сивиот свет којшто е изграден во овие изминати 33 години“, рече Димитриевски во изјавата за медиумите денеска во Куманово.