Спорт
Германија ветува „совршено“ Евро 2024 во „срцето на Европа“
Германија и официјално се кандидираше за домаќин на Европското првенство во фудбал во 2014 со порака дека ќе понудат „совршена“ организација и атмосфера која ќе го повтори духот на Мундијалот во 2006 година.
Освен Германија, само уште Турција е кандида…
Германија и официјално се кандидираше за домаќин на Европското првенство во фудбал во 2014 со порака дека ќе понудат „совршена“ организација и атмосфера која ќе го повтори духот на Мундијалот во 2006 година.
Освен Германија, само уште Турција е кандидат за шампионатот и Германците се сметаат за апсолутни фаворити пред објавата на УЕФА на 27 септември.
„Имаме прекрасен концепт за совршено организиран турнир, кој нуди голема шанса УЕФА да го развива европскиот фудбал. Евро 2024 организирано во срцето на Европа ќе овозможи сите учесници да имаат свои навивачи“, вели претседателот на Германската фудбалска асоцијација (ДФБ), Рајнхард Гриндел.
СП во 2006 беше совршено организирано, со преполни стадиони и стотина илјади фанови на специјално организираните места за гледање на отворено. Покрај тоа поврзаноста со другите европски земји придонесе голем број на туристи.
Сепак, турнирот е под истрага во Германија и Швајцарија поради наводниот поткуп кои луѓето на германската кандидатура, предводени од легендарниот Франц Бекенбауер, ги исплатиле на луѓето од ФИФА.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Анадолу Ефес верува во Мијатовиќ
Хрватскиот тренер Томислав Мијатовиќ ја продолжи соработката со Анадолу Ефес, потврди од клубот од Истанбул.
Мијатовиќ го презеде турскиот тим на почетокот на февруари, истиот ден кога беше објавено дека ќе си замине Ердем Џан.
Во тој момент Ефес беше на 16. место во Евролигата, но до крајот на регуларниот дел успеа да се избори за место во плеј-ин.
Таму беа елиминирани од Виртус, но клупските челници искажаа задоволство од неговата работа, поради што и му понудија договор на две сезони.
Ефес пред три дена ја совлада Дарушафака во 29. коло од турскиот шампионат и со тоа го обезбеди првото место пред почетокот на плеј-офот.
Спорт
Лукс Ернандез го пропушта Европското првенство?
Францускиот репрезентативец, Лукс Ернандез (28), се повреди во текот на полуфиналениот натпревар од Лигата на шампионите меѓу Борусија Дортмунд и ПСЖ (1:0).
Ернандез го повреди левото колено кога се обиде да го блокира Никлас Фулкруг, во моментот кога напаѓачот го постигна единствениот гол на натпреварот во 36.минута.
Ернандез веднаш го напушти теренот, клубот се уште не објави за каква повреда станува збор. Медиумите шпекулираат дека станува збор за вкрстените лигаменти.
„Неговото колено имаше навистина голем оток по натпреварот“, изјави тренерот на ПСЖ, Луис Енрике.
Лукас Ернандез е брат на Тео Ернандез, член на Милан. Лукас кариерата ја започна во Атлетико Мадрид, а Баерн го доведе во 2019 година за 80 милиони евра. Четири години подоцна тој пристигна во ПСЖ за 45 милиони евра.
Ернандез има 37 настапи за француската репрезентација со која го освои Светското првенство во Русија во 2018 година, додека во Катар во 2022 година се повреди во 13. минута од првиот меч со Австралија. После тоа тој повеќе не играше, а неговиот тим стигна до финалето и загуби од Аргентина.
Тој ја освои и Лигата на нации во 2021 година, во карирата освоил 14 клупски трофеи.
Со оглед на тоа што францускиот селектор Дидие Дешам има рок до 16 мај да го состави списокот со играчи за ЕП, а ситуацијата со Ернандез се уште е неизвесна, можно е тој да не се најде на списокот на патници за ЕП.
Европско првенство започнува на 14 јуни. во Германија. На ЕП Франција ќе биде во групата Д со Холандија, Австрија и Полска.
Спорт
Челси сака да го врати Конте на „Стенфорд Бриџ“
Фудбалскиот клуб Челзи сака да го врати Антонио Конте на „Стенфорд Бирџ“. Челси под водство на Маурисио Покетино од почетокот на сезоната игра по системот „топло-ладно“, се наоѓа на деветтото место и се очекува Аргентинецот да ја напушти клупата на крајот од сезоната.
Конте, го водеше Челзи од 2016 до 2018 година, ја освои титулата во Премиер лигата во сезоната 2016/17, а една година подоцна го крена и трофејот наменет за најдобриот тим од ФА Купот.
Меѓу останатите клубови со кои раководи Конте, кој е поранешен селектор на Италија, се Јувентус, Интер и Тотенхем.
Тотенхем беше неговиот последен клуб во неговата тренерска кариера. Тој минатата година го напушти со заедничка согласност, откако ги нарече играчите себични, а клупските челници губитници.
„Ова е приказната за Тотенхем: Истиот сопственик е тука 20 години и тие никогаш не освоиле ништо. Зошто? Дали е виновен клубот или секој тренер кој работел овде во овој период?”
Ова е интересна информација, бидејќи италијанските медиуми пред две недели обајавија дека Конте се договорил со Наполи. Според овои извори тој договорил три годишна соработа, вредна 8.000.000 по сезона, а од Аурелио Де Лаурентис добил ветување дека тој ќе ја води клупската трансфер политика.