Спорт
Третолигашите храбро, но двојната француска круна е кај ПСЖ (галерија+видео)
Во вистинска битка на Давид и Голијат во светскиот фудбал, францускиот полу-аматерски клуб Ле Ербиер успеа да ги намачи гигантите Пари Сен-Жермен во финалето на Францускиот куп, но на крајот загубија со 2:0 со што се потврди двојната круна на парижанит…
Во вистинска битка на Давид и Голијат во светскиот фудбал, францускиот полу-аматерски клуб Ле Ербиер успеа да ги намачи гигантите Пари Сен-Жермен во финалето на Францускиот куп, но на крајот загубија со 2:0 со што се потврди двојната круна на парижаните.
Ле Ербиер, клуб со годишен буџет од скромни 2 милиони евра, се судри со еден од најбогатите (ако не и најбогатиот) фудбалски клуб, кој минатото лето плати рекордни 222 милиони за Нејмар, кој инаку заработува сума идентична на буџетот на Ле Ербиер за само 16 дена. Просечната плата на играчите на Ле Ербиер е 2.500 евра.
Сепак, фудбалот е фудбал, и малиот клуб може да се пофали дека не се предаде лесно. На ПСЖ му беа потребни 26 минути да дојде во водство преку Џовани Ло Селсо, кој имаше фантастичен удар од работ на шестнаесетникот.
И покрај имињата и статусот, ПСЖ остана со оваа предност до 74. минута од мечот, кога беше досуден пенал по стартот на голманот над Единсон Кавани, и Уругваецот потоа беше сигурен од белата точка.
Ле Ербие, тим кој до крајот на сезоната може да испадне и во четвртата лига, доаѓа од место со 15 илјади жители, од кои неколку илјади беа на трибините и воодушевуваа со својата посветеност.
?? Les Herbiers, the team from a town of 15,000 people, have turned up en masse in Paris for the Coupe de France final. pic.twitter.com/bZZs6fXFXc
— COPA90 (@COPA90) May 8, 2018
ПСЖ од трибините имаше поддршка и од Нејмар, кој неодамна се врати во Франција по операцијата на скршеното стапало, но уште не е подготвен за акција. На трибините на „Паркот на принцовите“, секако беше и францускиот претседател Емануел Макрон.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Модриќ и наредната сезона ќе игра за Реал
Лука Модриќ и наредната сезона ќе го носи дресот на реал Мадрид. „Мундо Депортиво“. Овој медиум, кој е поблизок до Барселона отколку до Реал, тврди дека Модриќ и челниците на Реал постигнале вербален договор за продолжување на договорот на уште една година. Договорот е постигнат по тричасовната средба одржана вчера во Валдебебас.
Истата информација ја објавија и „Онда Мадрид“ и „Телемадрид“, два медиуми специјализирани за следење на Реал Мадрид. Според нив, Модриќ ги прифатил условите што му ги понудил клубот. Тој досега заработуваше околу 10 милиони евра нето по сезона, а сега се согласи да ја преполови платата.
Според Шпанците хрватскиот играч за врска планира да одигра уште една сезона во Реал, а потоа како 39-годишен да се збогува од фудбалот. Така Модриќ би станал најстариот фудбалер во историјата на Реал Мадрид кој се пензионирал во дресот на шпанскиот великан. Рекордот моментално го држи Пако Хенто, кој се пензионираше на 38 години.
Хрватската легенда на Реал Мадрид освои се. Меѓу другото, пет европски, четири шпански титули и два Купа на кралот и Златната топка. Тој одигра 531 натпревар, постигна 39 и постави 86 гола.
Во тековната сезона претежно беше резерва, но со значаен придонес на патот на Реал кон освојување на Ла Лига и финалето на Лигата на шампионите. Иако беше во стартниот тим на само 22 натпревари, успеа да постигне 2два гола и да забележи осум асистенции.
Спорт
Бекеле по 12 години повторно на Олимписките игри
Кенениса Бекеле, големата атлетска ѕвезда, ќе учествува на Олимписките игри во Париз, 12 години по неговиот последен настап на најголемиот светски спортски настан.
Бекеле, кој има 41 година, последен пат настапи на Олимписките игри во Лондон во 2012 година, кога заврши на четвртото место на трката на 10 километри.
Тој ги пропушти Рио де Жанеиро (2016) и Токио (2022) и сега е дел од 10-члениот атлетски тим на Етиопија за Париз.
Во главниот град на Франција ќе трча маратон на кој во последно време бележи одлични резултати. Тој во декември го освои четвртото место во Валенсија, додека неодамна беше втор во Лондон.
Бекеле освои три олимписки злата и едно сребро. Во Атина во 2004 година победи на 10 километри и беше втор на 5 километри, додека четири години подоцна во Пекинг славеше и на 5 и на 10 километри.
Олимпискиот маратон за мажи е закажан за 10 август.
Спорт
(Видео) Индијана избори мајсторка против Њујорк
Кошаркарите на Индијана славеа против Њујорк (116:103) и со тоа го обезбедија мајсторка во „Медисон Сквер Гарден“.
Екипите продолжија да го бранат домашниот терен, па така и во шестиот меч од полуфиналната серија на Истокот, гостинот загуби.
Најзаслужни за триумфот на Индијана беа Паскал Сијакам со 25 поени, седум скока и пет асистенции и Мајлс Тарнер со 17 поени, осум скока и три асистенции.
Тајрис Халибартон (+9ас), Ти Џеј Меконел и Ендру Небхард постигнаа по 15.
На другата страна се истакнаа Џејлен Брансон кој постигна 31 и Донте ДиВинченцо кој постигна 17 поени.
Првото двоцифрено водство „Пејсерс“ го остварија на крајот од првото полувреме и со исклучок на почетокот на вториот дел не го испуштија.
Разликата во последната четвртина се искачи на +23.
Решавачкиот седми натпревар е закажан за в недела од 21.30 часот во Њујорк.
Победникот, во финалето ќе игра против Бостон Селтикс, кој ги елиминираше Кливленд Кавалирс.