Регион
Албанци убиле Италијанец поради љубов кон тинејџерка од Македонија
Албанецот Иљи Мета (20) со помош на пријателот Марјо Меме (19), го заклал 17-годишниот Италијанец, Исмаеле Лули средe шума, најверојатно поради љубомора, пишува Corriere Della Sera, пренесуваат регионалните медиуми.
Албанецот Иљи Мета (20) со помош на пријателот Марјо Меме (19), го заклал 17-годишниот Италијанец, Исмаеле Лули средe шума, најверојатно поради љубомора, пишува Corriere Della Sera, пренесуваат регионалните медиуми.
Според италијанските медиуми, девојката на Иље, Амбера Салиџи (19), со потекло од Македонија, се гледла со Илмаеле, што било повод за страшното злодело.Токму тинејџерката од Македонија ја одиграла клучната улога во ова злосторство, затоа што од нејзиниот телефон на Лули му стигнала СМС порака: „Дојди, сакам да те видам“. Лули по добивањето на пораката заминал да се најде со Амбера на автобуската станица каде претходно се запознале, но место на неа налетал на двете момчиња од Албанија.Мета и Меме го повикале да замине со нив, и со автомобилот на мајката на Мета се одвезле покрај реката која поминува низ шума. Запреле во близина на црквичка, каде Лули добил удар во главата од кој се онесвестил, а бидејќи бил покрупен од двете момчиња, Мета го врзал со леплива лента за железен крст и му ја залепил устата.Тука му го пресекол грлото со нож долг 18 см, по што Мета и Меме се искапале во реката за да ја измијат крвта. Полицијата го нашла ноѓот, како и мобилниот телефон на Лули, од кој на неговата мајка и на девојката им биле пратени пораки. „Не барајте ме, го менувам животот, одам за Милано“, пишувало во пораките со цел да се забави истрагата. Откриено е и дека убиецот Мета, на Амбера и пратил порака на албански јазик: „Ќе го убијам“, која била проследена со погрдни зборови. Сепак, Амбера и покрај сé, тврди дека го сака убиецот и порачува дека ќе го чека. „Уморна сум од криење. Ако можете, јавете му на мојот Иље, дека ќе го чекам цел живот и дека секогаш ќе го сакам“, викала Амбера од терасата кон новинар на Corriere Della Sera, кој дошол пред зградата во индустриската зона Лунано, во која живеат албански и марокански семејства.Таа не присуствувала на погребот на Лули, со кој тврди дека немала ништо, иако биле видени заедно во блискиот град Убрин.Карабинерите го лоцирале убиецот со помош на мобилниот телефон кој убиецот го вклучувал и го исклучувал.„Многу млади не знаат да живеат без телефон. Среќа за нас“, вели Антонио Сомезе, командант на карабинерите во Пезаре. Вера Меме, мајка на соучесникот на убиецот за кој е утврдено дека не бил на местото на злосторството туку чекал во близина, изјавила дека нејзиниот брат во Албанија се убил „од срам“. Убиецот Мета ја презел вината на себе, но рекол дека Меме му помогнал да ја врзат жртвата./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.