Спорт
Рафа и Ноле се „разминаа“, Шарапова и Серена со можен ран дуел
Рафаел Надал ги дозна своите потенцијални противници на патот до 11. титула од Ролан Гарос, и барем за едно е сигурно среќен – со Новак Ѓоковиќ може да се сретне само во финалето.
Надал го започнува турнирот со незгоден дуел со Украинецот Александер До…
Рафаел Надал ги дозна своите потенцијални противници на патот до 11. титула од Ролан Гарос, и барем за едно е сигурно среќен – со Новак Ѓоковиќ може да се сретне само во финалето.
Надал го започнува турнирот со незгоден дуел со Украинецот Александер Долгополов, против кого има 7-2 скор во кариерата, а во второто коло го чекаат Португалецот Жоао Соуса или Аргентинецот Гвидо Пелја. Потоа потенцијални противници му се Ришар Гаске (трето коло), Кевин Андерсон (четврт-финале), Марин Чилиќ (полуфинале) и секако Ѓоковиќ, кој е во другиот дел од ждрепката.
The Men’s Draw is SET! See who your favorites will meet in the opening round of play.
Attendu et scruté, voici le tableau Simple Messieurs !? https://t.co/ivXx4qDwIE#RG18 pic.twitter.com/TMV7ql4fh2
— Roland-Garros (@rolandgarros) May 24, 2018
Серена Вилијамс, која сега е на 453. место на ВТА листата, во својот прв гренд слем по раѓањето на нејзината ќерка во септември отвара против Чехинката Кристина Плишкова, а својата стара ривалка, Русинката Марија Шарапова може да ја сретне веќе во четвртото коло. Серена има само четири меча оваа сезона, а последниот го одигра во март.
Шарапова, која лани не доби вајлд карта за настап по нејзината 15-месечна суспензија, ја нема победено Вилијамс од 2004 година.
Првата носителка и двократна финалистка, Романката Симона Халеп отвара против Американката Елисон Риски, додека шампионката од Австралија опен, Каролине Вознијацки почнува против уште една тенисерка од САД, Даниел Колинс.
The Women’s Draw is SET! See who your favorites face off with in the first round.
A découvrir, le tableau Simple Dames de ce #RG18 :? https://t.co/ORZqXUZsco pic.twitter.com/zKKNynp4ZF
— Roland-Garros (@rolandgarros) May 24, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.
Спорт
(Видео) Црвена звезда повторно е шампион на Србија
Фото/ Starsport
Фудбалерите на Црвена звезда на четири кола до крајот на сезоната во Супер лигата на Србија, математички ја обезбедија шампионската титула, седма во низа и 35. во клупската историја.
Црвена звезда, во 33.коло на стадионот „Рајко Митиќ“ го совлада ТСЦ со 2:1. На четири кола пред шампионатот има недостижни 14 бода повеќе најголемиот ривал Партизан, кој во ова коло загуби на домашен терен од Војводина со 2:3..
Сите погодоци во на натпреварот во Белград беа постигнати во вториот дел, Олајинка погоди во 55.минута за 1:0, израмни Милосављевиќ пет минути подоцна. Во 75. минута Ндиаје ги постави конечните 2:1 за големо славје на црвено-белите.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.