Европа
Бунтовниците ги предадоа црните кутии
Лидерот на проруските бунтовници, Александар Бородај, рано во вторникот, им ги предал на малезиските експерти црните кутии од соборениот патнички авион.
Во таа прилика двете страни во седиштето на самопрогласената Народна Република Донецк, во регионот Донецк, потпишале документ, кој Бородај го нарекол „протокол со кој се финализира оваа процедура“, пренесува Reuteurs.
Претставникот на Малезискиот совет за национална безбедност, полковникот Мохамед Сакри, пред новинарите истакнал дека сите црни кутии се „во добра состојба“.
Како што пренесува AFP, проруските бунтовници најавиле прекин на огнот во радиус од 10 километри од местото на падот на леталото, со цел на меѓународните истражувачи да им се овозможи безбеден пристап.
Малезискиот авион во кој патуваа 298 лица, меѓу кои и 80 деца, падна во четвртокот на подрачјето на областа Донецк, каде се водат жестоки борби помеѓу проруските бунтовници и украинската војска. Двете страни се обвинуваат меѓусебно за соборувањето на авионот кој летал од Амстердам за Куала Лумпур.
Во понеделникот се огласи и Москва, која до сега ги негираше сите обвинувања од Киев за својата вмешаност во овој случај.
Војската на Русија соопштила дека украински ловец СУ – 25 летал во близина на МХ17 непосредно пред падот на леталото на „Malаysia airlines“./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.