Црна хроника
Се појави нова дрога на наркопазарот во Македонија
Нова синтетичка психоактивна супстанца со халуциногено својство се појави на македонскиот нарко пазар.
Охридската полиција кај дваесет и тригодишен битолчанец пронашла 25 зелени таблети екстази со лого „ДНА“ и зипер кесичка со 30 коцки (25C-NBOMe) синтетичка психоактивна супстанца со халуциногено дејство која не се наоѓа на листата на контролирани психотропни супстанци и опојни дроги. „Истата во 2010 година се појавила на сајтовите каде се предлагаат хемиски супстанци и синтетички дроги. Дрогата претставува дериват на psychedelic phenethylamine 2C-C, бел прашок со горчлив вкус на метал. Според силата, 25C-NBOMe е послаб од LCD. Поради тоа, до Министерството за здравство на Република Македонија ќе биде доставено известување дека на илегалниот пазар се појавила нова супстанца која делува како дрога со цел поведување постапка за внесување на оваа супстанца во листата на контролирани психотропни супстанции и опојни дроги“ соопштуваат од полицијата.Екстазите биле најдени сокриени од задната страна помеѓу коланот и пантолоните, кесичките со новиот вид дрога биле најдени во предниот џеб на пантолоните./крај/мвр/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
На стакло од штаб на политичка партија во Центар испишан графит, полицијата го расчистува случајот
Вчера во 10.50 часот во СВР Скопје било пријавено дека на стакло од штаб на политичка партија на подрачјето на Центар бил испишан графит, извести МВР.
Се работи на расчистување на случајот.
Црна хроника
Нападнат осуденик во Идризово
Вчера во 23.40 часот во СВР Скопје, од Казнено – поправната установа Затвор Идризово било пријавено дека околу 17.30 часот во установата, осуденикот, 38-годишниот П.П. од Тетово бил нападнат со остар предмет од осуденикот Е.Н., извести МВР.
Се преземаат мерки за расчистување на случајот.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.