Спорт
Погба донесе победа за Франција во тесниот меч со Австралија (видео)
Иако многу се очекуваше од младата и напаѓачки ориентирана репрезентација на Франција на Мундијалот, првиот меч не помина најдобро за „триколорите“, кои едвај стигнаа до 2:1 победа над Австралија благодарение на одличниот гол на Пол Погба.
Погба беше н…
Иако многу се очекуваше од младата и напаѓачки ориентирана репрезентација на Франција на Мундијалот, првиот меч не помина најдобро за „триколорите“, кои едвај стигнаа до 2:1 победа над Австралија благодарение на одличниот гол на Пол Погба.
Погба беше на удар на критичарите пред стартот на Мундијалот поради неговата непостојана форма за Манчестер јунајтед и за репрезентацијата, но во мечот против „сокерус“ токму тој беше човекот на одлука за да го спаси „образот“ на селекторот Дидие Дешам.
Франција почна со притисокот на голот на Австралија уште од почетокот на мечот, но сепак не успеа да воодушеви. Австралијците за малку ќе стигнеа до неочекувано водство во 17. минута кога Толисо ќе си постигнеше автогол, а до крајот на полувремето тие похрабро влегоа во напад.
What @AntoGriezmann put France ahead from the penalty spot.#FRAAUS #WorldCup pic.twitter.com/VK5GlQ7pyR
— Dylan Appolis (@DylanAppolis) June 16, 2018
Сепак, за голови се чекаше до стартот на второто полувреме, кога беа досудени два пенали за само пет минути. Прво, Гризман беше соборен во шестнаесетникот на Австралија, по што првпат на еден Мундијал се повика ВАР системот за помош на судиите, по што беше покажано на белата точка. Гризман беше сигурен од белата точка за водство за Франција.
Но, Австралија бргу се созеде, откако веќе во 60. минута беше досуден пенал за нив по играта со рака на Самуел Умтити во шестнаесетникот. Ветеранот Миле Јединак беше сигурен за израмнување и за зголемување на притисокот на фаворитите.
Дешам реши да реагира со тоа што ги извади од игра Гризман и Дембеле, а на нивно место влегоа Оливие Жиру и Набил Фекир. Ова не донесе големи промени во играта на Франција, и на секој нивни напад, Австралијците одговараа со иста мерка.
Тогаш на сцена стапи Погба, кој во 81. минута по едно проигрување со Жиру со одличен лоб-удар го совлада голманот Метју Рајан погодувајќи ја пречката, по што топката влезе зад гол-линијата.
До крајот на мечот, Франција продолжи со нападите, но на крајот мораше да се задоволи со тешко извојуваната победа. Во групата со Франција и Австралија се уште Перу и Данска, кои го играат својот прв меч од 18 часот.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.