Спорт
Алонсо и Тојота триумфираа на 86. издание на 24 часа Ле Ман!
гдњТојота конечно ја „скрши“ клетвата на 24 часа Ле Ман стигнувајќи до доминантна победа на 86. издание на славната трка на издржливост, откако нивниот автомобил со број 8 во кој беа Фернандо Алонсо и Казуки Накаџима и Себастиен Буеми помина најмногу н…
гдњТојота конечно ја „скрши“ клетвата на 24 часа Ле Ман стигнувајќи до доминантна победа на 86. издание на славната трка на издржливост, откако нивниот автомобил со број 8 во кој беа Фернандо Алонсо и Казуки Накаџима и Себастиен Буеми помина најмногу на француската патека.
Двата автомобили на Тојота ТС050 Хибрид беа за класа подобри од ривалите од ЛМП1 серијата, и на крајот борбата за победата се водеше меѓу нив. Автомобилот број 7 на Мајк Конвеј, Камуи Кобајаши и Хозе Марија Лопез беа блиску во текот на ноќта до победничкиот тим, но Ф1 асот, Фернандо Алонсо успеа да направи предност коај ја задржаа до крајот.
Ова е прва победа на Тојота на Ле Ман по неколку катастрофални промашувања, вклучувајќи ја трката во 2016, кога победата им избега буквално во последниот круг.
Третото место го освои автомобилот со број 3 на Ребелион Р-13 Гибсон, со 12 кругови заостанување во состав Густаво Менезес, Томас Лорен и Матијас Беш, додека трет беше уште еден Р-13, автомобилот со број 1 на Нил Јани, Андре Лотерер и Бруно Сена.
Овој триумф е посебно сладок за Фернандо Алонсо и доаѓа во неговото деби на трката, во обидот Шпанецот да стигне до славната „тројна круна“ на автомобилизмот – победа на Ф1 трката во Монако, на 24 часа Ле Ман и на Индијанаполис 500.
Бидејќи возачот на Мекларен веќе има победено во Монако, сега му останува само победа на најпозната американска трка, Инди 500, каде што минатата година беше во игра за победа сѐ додека не му откажа моторот.
[BREAKING] Toyota take his historic @24hoursoflemans win with 1 2??
#8 @Toyota_Hybrid crowned the 86th Edition of the @24hoursoflemans with @alo_oficial @kazuki_info and @Sebastien_buemi #LeMans24 #WEC pic.twitter.com/BoLwWD4BW2
— WEC (@FIAWEC) June 17, 2018
? ? Huge CONGRATULATIONS to the winners of the 86th 24 Hours of Le Mans…@Toyota_Hybrid and the drivers of the #8 car make the History !!@Sebastien_buemi Kazuki Nakajima @kazuki_info and Fernando Alonso @alo_oficial#LEMANS24 #WEC @FIAWEC pic.twitter.com/WTUHccxnIB
— 24 Hours of Le Mans (@24hoursoflemans) June 17, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Без победник во Минхен, Реал е поблиску до големото финале
Баерн Минхен и Реал Мадрид одиграа 2:2, во првиот полуфинален натпревар во Лигата на шампионите. На „Алијанц арена“ во Минхен, Реал се спаси од пораз во 84.минута, кога Винисиус Жуниор од пенал го изедначи резултатот. Претходно, Бразилецот погоди за Реал во 24.минута, а Баерн во вториот дел, во само четири минути со головите на Сане и Кејн од пенал, направи пресврт.
Натпреварот на „Алијанц Арена“ беше извонреден, онака како што двете екипи сезонава играат во Лигата на шампионите.
На крајот заврши без победник, што пред реваншот на „Сантијаго Бернабеу“ му носи поголема предност на „кралскиот клуб“.
Сепак, Баерн покажа дека не е за отпишување и ќе има што да каже за осум дена во шпанската престолнина.
Спорт
Ферари демне: Наскоро ќе биде официјално – Њуи си заминува од Ред Бул
Еден од најзаслужните за успехот на Ред Бул во Формула 1 шампионатот, главниот инженер на австрискиот тим Адријан Њуи ќе го напушти актуелниот шампион во конкуренција на конструктори.
Како што пренесуваат многу европски медиуми, се е договорено и се очекува Ред Бул да ја потврди оваа вест пред почетокот на Големата награда на Мајами.
Њуи е најуспешниот дизајнер на автомобили во модерната Формула 1 и е член на Ред Бул од неговото основање во 2006 година. Причините за разделбата се наводно незадоволство од улогата што ја има во тимот и несогласување со тимскиот шеф Кристијан Хорнер.
Овој 65-годишник има актуелен договор кој е со важност до крајот на 2025 година, а за тоа досега не се огласил. Исто така, Ферари наводно веќе разговарал со Њуи и му испратил понуда за соработка.
Покрај загубата што би ја претставувало заминувањето на Њуи, тоа исто така потенцијално би го доведе во прашање статусот на трикратниот последователен светски шампион Макс Верстапен, кој е бескомпромисно лојален на Њуи и советникот Хелмут Маркo.
Њуи учествуваше во освојувањето на седум титули за возачи и шест конструктори за Ред Бул.
Во генералниот пласман сега води Верстапен со 110 бодови, а зад него е соиграчот Перез со 85.
Овогодинешниот шампионат во Формула 1 продолжува со Големата награда на Мајами од 3 до 5 мај.
Спорт
Турски милионер го купува Марибор
Турскиот милионер Ацун Иликали наскоро ќе го заврши преземањето на словенечки Марибор.
„Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“.
„На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“.
Ова значи дека Марибор за прв пат во својата историја ќе има странски инвеститор.
Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија.
Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн.
Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор.