Спорт
Кутињо и Нејмар за „спас“ за Бразил и тешка победа над Костарика
Филипе Кутињо во 91. минута успеа да го собори „бункерот“ на Костарика за минути подоцна и Нејмар да додаде за 2:0 победа откако во текот на целиот меч беа исфрустрирани од солидните аутсајдери, а им беше и поништен пенал по консултацијата со ВАР систе…
![](https://makfax.com.mk/wp-content/uploads/2018/06/0c42724d8d049ac0d124ee9e7337e357.jpg)
![](https://makfax.com.mk/wp-content/uploads/2018/06/0c42724d8d049ac0d124ee9e7337e357.jpg)
Филипе Кутињо во 91. минута успеа да го собори „бункерот“ на Костарика за минути подоцна и Нејмар да додаде за 2:0 победа откако во текот на целиот меч беа исфрустрирани од солидните аутсајдери, а им беше и поништен пенал по консултацијата со ВАР системот.
Еден ден по шокот за Аргентина, првите јужноамерикански фаворити, Бразил беа блиску до второ реми на Мундијалот, откако никако не успеваа да бидат ефикасни во нападот, а првата ѕвезда Нејмар се изнапромашува.
Костарика од стартот, нормално, влезе дефанзивно во мечот и ретко излегуваше од својата половина, но сите напади на Бразилците завршуваа неуспешно. Нејмар првпат се закани во 10. минута кога нафрли во шестнаесетникот, но одбраната ја реши опасноста.
Најголемата шанса на почетокот ја имаа аутсајдерите, кога Гамбоа по одличното истрчување по десната страна му додаде на Борхес, кој од идеална ситуација го утна голот.
Бразил во 23. минута повторно беше во шанса откако Нејмар му нафрли на Тијаго Силва, кој со глава удира над голот. Во 28. минута, Филипе Кутињо совршено го наоѓа Нејмар, но неговиот шут завршува во рацете на Кејлор Навас.
По лошото прво полувреме, „селесао“ тргна офанзивно по победа. На стартот на второто полувреме, Габриел Жесус со глава ја погодува пречката, по што Кутињо има одличен удар, кој Гамбоа го исфрла од голот.
Нејмар во 57. минута повторно е шанса, а две минути подоцна убавиот удар на Кутињо завршува во рацете на Навас. Костарика имаше ретка шанса во 60. минута, кога Бразилците реагираа панично во одбраната. Во 72. минута, Нејмар има одличен шут, но тој поминува само покрај голот.
Embarrassing dive from Neymar. pic.twitter.com/eFXiwp4o8j
— Samue (@VintageSalah) June 22, 2018
Моментот кој ќе се коментира најмногу беше во 78. минута, кога Нејмар добива допка од Жесус, и е соборен во шестнаесетникот. Судијата Бјорн Куиперс прво покажува на белата, точка, но на крајот пеналот е поништен по консултацијата со ВАР, а Нејмар добива и жолт картон.
1 Nil to Brazil. Coutinho to the rescue. #Araamubelumeh #worldcup2018 pic.twitter.com/VJsGdwgp1I
— Maagiri Hotel (@MaagiriHotel) June 22, 2018
Кога се мислеше дека Бразил ќе мора да калкулира како да се пласира во осминафиналето, Филипе Кутињо ги спаси „селесао“ од срамота со гол по мешаницата пред голот на Навас. Ова е втор гол на Кутињо на шампионатот, откако тој го постигна одличниот гол при 1:1 ремито со Швајцарија.
Нејмар, конечно, успеа да се впише во листата на стрелците во 96. минута од мечот, откако победникот беше решен, а „бункерот“ на Костарика беше веќе срушен.
Neymar finally gets his first World Cup goal. pic.twitter.com/J1FKUPEK4M
— World Cup 18 (@Footy_Football_) June 22, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Квалификант го победи Циципас на Мастерсот во Мадрид
![](https://makfax.com.mk/wp-content/uploads/2024/04/Untitled-2-14.jpg)
Победникот на Мастерсот во Монте Карло и минатонеделниот финалист во Барселона, Стефанос Циципас, доживеа шокантна елиминација на Мастерсот во во Мадрид.
Гркот, во второто коло доживеа пораз од 118. играч на АТП листата, Бразилецот Чиаго Монтеиро со 6:4, 6:4. Мечот во центарот на Каха Махика траеше 97 минути.
Еден брејк му беше доволен на Монтеиро да го добие првиот сет, до него дојде во третиот гем.
Со исклучок на вториот гем, Монтеиро испушти само еден поен на свој сервис.
Сигурно сервираше и во вториот сет, а веднаш на почетокот направи брејк и поведе со 2:0.
На 5:3 имаше две меч топки на сервис на Циципас, но не ги искористи, а го реши мечот со сигурни сервиси кога ја искористи четвртата меч топка. Бразилецот на свој сервис освои 89 отсто од поени.
Во третото коло Монтеиро ќе игра против Јиржи Лехечка, кој со 7:5, 6:4 го победи Хамад Меѓедовиќ.
The PERFECT match 💫
Making 89% of his first serves (!), @dThiagoMonteiro stuns Tsitsipas 6-4 6-4 for the greatest (completed) ATP win of his career!#MMOpen pic.twitter.com/kUHUoPvUzj
— Tennis TV (@TennisTV) April 27, 2024
Спорт
Конте ќе го предводи Наполи
![](https://makfax.com.mk/wp-content/uploads/2024/04/GettyImages-1248024760.jpg)
Наполи во сезоната 2024/2025 ќе влезе со нов тренер. РАИ објави дека Антонио Конте договорил тригодипна соработка. Наскоро трансферот ќе биде и официјално објавен.
РАИ, пишува дека Конте ќе работи за плата од 6.500.000 по сезона. Се потецира дека Конте ќе добие големи властувања, односно тој ќе го има главниот збор кога се во прашање трансферите.
Наполи има турбулентна сезона во која, претседателот Аурелио Де Лаурентис смени тројца тренери и веќе во првата третина од сезоната беше јасно дека нема да го бранат Скудетото.
Започна со Руди Гарсија, а потоа тимот го предводеа Валтер Мацари и Франческо Калцона, кои ќе ја завршат оваа сезона.
Последниот ангажман на Конте во Италија беше на клупата на Интер, со кој ја освои титулата во 2021 година. По Интер, тој го водеше Тотенхем, се раздели со него во март минатата година и оттогаш е без работа.
Во кариерата ги водеше и Челзи, Јувентус, Сиена, Аталанта, Бари и италијанската репрезентација.
Спорт
Баерн наредната недела ќе реши кој ќе биде наследникот на Тухел
![](https://makfax.com.mk/wp-content/uploads/2024/04/6PSG.jpg)
Почесниот претседател на Баерн Минхен, Ули Хенес изјави дека очекува клубот да донесе одлука за нов тренер во рок од една недела.
Баерн во февруари објави дека тренерот Томас Тухел ќе го напушти клубот на крајот на сезоната, една година пред истекот на неговиот договор, поради незадоволителни резултати.
„Мислам дека ќе донесеме одлука за една недела“, изјави Хенес за „Франкфуртер алгемајне цајтунг“.
Откако беше објавено дека 50-годишниот тренер ќе го напушти клубот, Баерн се обиде да ги доведе тренерот на Баер Леверкузен Чаби Алонсо и селекторот на Германија, Јулијан Нагелсман, кои одлучија да останат со своите тимови.
Се шпекулира дека Баерн преговара со селекторот на Австрија, Ралф Рангник.
Баерн оваа сезона не успеа да ја одбрани шампионската титула во Бундеслигата, но ќе има можност да се бори за трофејот во Лигата на шампионите, противник во полуфиналњто ќе му биде Реал Мадрид.