Спорт
(Видео) Муса ги „реши“ Исланѓаните и им даде надеж на Аргентинците
Нигерија со 2:0 го совлада Исланд благодарение на фантастичниот Ахмед Муса за целосно да ја искомпликуваат ситуацијата во групата Д, и да им дадат надеж на Аргентинците дека е можно и покрај катастрофата од Хрватска да се пласираат во осминафиналето.
С…
Нигерија со 2:0 го совлада Исланд благодарение на фантастичниот Ахмед Муса за целосно да ја искомпликуваат ситуацијата во групата Д, и да им дадат надеж на Аргентинците дека е можно и покрај катастрофата од Хрватска да се пласираат во осминафиналето.
Со овој резултат, по две кола во групата Д, Хрватска е сигурно на првото место со 6 поени, Нигерија е втора со 3 поени, додека Исланд и Аргентина имаат по еден поен. Тоа значи дека во последното коло, Аргентина и Нигерија директно ќе решаваат за вториот патник во осминафиналето, но „гаучосите“ ќе одат понатаму само ако победат, а Исланд не ја совлада Хрватска.
Absolute class from Musa ???#NGAISL pic.twitter.com/Pw8P6aSxNb
— Fluky Punditry (@flukypunditry) June 22, 2018
Мечот во Волгоград не изобилуваше со шанси и добра игра во првото полувреме. Исланд почна посигурно, откако прво во третата минута се заканија преку слободниот удар на Сигурдсон (кој го одбрани Узохо), а потоа и во седмата минута, кога истиот фудбалер беше сам пред голманот, но шутираше слабо.
Ахмед Муса прв се закани кон голот на Исланд во 15. минута, но и во 19. минута со проигрувањето со Мозес. Нигерија имаше поголем посед на топката во вториот дел од полувремето, но повторно најдобрата шанса ја имаше Исланд – Финбогасон со глава шутираше блиску до голот во 45. минута.
Во второто полувреме, „супер орлите“ конечно се разбудија. По одличното проигрување од Виктор Мозес, Ахмед Муса направи одличен потег во петерецот на Исланд и постигнува одличен гол.
Нигерија имаше уште две убави шанси преку Мозес и Балогун во 65., односно 71. минута, пред напаѓачот на Лестер, Муса да го постигне својот втор гол по одличниот продор по левата страна за да ги матира Исланѓаните.
2- Ahmed Musa now has four World Cup goals for Nigeria, at least twice as many as any other player in their history. Super. #NGA #ISL #NGAISL Muslim brother ?☺ pic.twitter.com/tS7xAAkWPa
— faraz ?HBDayUrooj? (@faraz_haider10) June 22, 2018
Сите надежи за кам-бек на најмлата нација која се квалификувала на едно Светско првенство завршија во 82. минута, кога беше досуден пенал (повторно по консултација со ВАР) за очигледен фаул вo шестнаесетникот. Играчот на Евертон, Гилфи Сигурдсон имаше шанса да намали на 1:2, меѓутоа неговиот удар заврши над голот.
Penalty Missed! (Sigurdsson) pic.twitter.com/GMtsSQ2RoU
— Fields Of Anfield Road (@FOARsite) June 22, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Само легендарните Брајан Клаф и Алекс Фергусон се пред Гвардиола
Манчестер Сити на Пеп Гвардиола не знае за пораз на последните 30 натпревари.
Во ерата на Премиер лигата, само Манчестер Јунајтед на Алекс Фергусон имаше подолга серија без пораз во една сезона во сите натпреварувања.
Граѓаните, синоќа убедливо го победија Брајтон на гости со 4:0 и тоа им беше јубилеен 30-ти последователен натпревар без пораз сезонава. Во оваа серија остварија 24 победи.
Од формирањето на Премиер лигата, само на Манчестер Јунајтед имале подолги серии. Во сезоната 1993/94 имале серија од 34 натпревари, а еден натпревар помалку во сезоната 1998/99.
Последен тим што ги победи „граѓаните“ сезонава (без изведување пенали) беше Астон Вила на 6 декември на „Вила Парк“ (1:0).
Најдолгата серија во историјата на англискиот фудбал ја има Нотингем Форест предводен од легендарниот Брајан Клаф, кога во историската 1978 година нанижа 40 натпревари без пораз во сите натпреварувања.
Спорт
(Видео) Јокиќ и Денвер победија во Лос Анџелес, Ембид постигна 50 поени во важната победа на Филаделфија
Актуелните шампиони Дебвер Нагетс победа ги дели од пласман во конференциското полугинале. Нагетс поведоа со 3-0 во серијата против Лос Анџелес Лејкерс. Третиот печ, на теренот на пртивникот го добија со 112:105. На Истокот, Филалделфија Севентисиксерс го намали резултатот во серијата против Њујорк Никс на 2-11, a Орландо Меџик повеоа со 3-0 против Кливленд Кавалирс. Филалделфија победи во третиот натпревар со 125:114, а Орландо со 121:83.
Никола Јокиќ одигра одличен натпревар, забележа 24 поени, 15 скока и девет асистенции. Јокиќ шутираше 9/13 од поле, а 6/7 од линијата за слободни фрлања.
Покрај Јокиќ, уште тројца играчи на Денвер имаа 20+ поени. Гордон постигна 29, Мареј 22, а Портер Јуниор 20 поени.
Во поразениот тим Дејвис беше најефикасен со 33 поени и15 скока, додека Џејмс заврши со 26 поени и девет асистенции. Целосно потфрли Дианџело Расел кој мечот го заврши со нула поени.
Џоел Ембид, актуелниот МВП на лигата, одигра одличен натпревар постига 50 поени, со 13-19 од поле и дури 19-21 од линијата за слободни фрлања. Ембид имаше и осум скока, четири асистенции и блокада, тимот со него на теренот имаше +16. Тајрис Макси беше одличен со 25 поени и седум асистенции, Оубре постигна 15, а Пејн 11 поени.
Во поразениот тим Џејлен Бренсон постигна 39 поени, Харт го следеше со 20, Ануноби постигна 17, а Хартенштајн 14 поени.
Орландо се на чекор до полуфиналето на Истокот. До убедливата победа над Кливленд ги предводеа Банкеро со 31 поен и 14 скокови, Сугс со 26 и Вагнер со 16 поени. Ален и Леверт постигнаа по 15 поени за Кливленд, додека Мичел мечот го заврши со 13 поени.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.