Спорт
Уругвајците ги вратија Русите во реалноста, Саудијците со шок за Салах и Египет (видео)
Уругвај ја смири еуфоријата во Русија по двете победи на домашната репрезентација на Мундијалот, откако со победата од 3:0 го обезбедија првото место во групата А, додека Египет, ниту со магичниот гол на Мохамед Салах не успеа да донесе победа над Сауд…
Уругвај ја смири еуфоријата во Русија по двете победи на домашната репрезентација на Мундијалот, откако со победата од 3:0 го обезбедија првото место во групата А, додека Египет, ниту со магичниот гол на Мохамед Салах не успеа да донесе победа над Саудиска Арабија по 1:2 поразот во последните минути од мечот.
Овој резултат најверојатно значи дека Уругвај ќе игра со подобриот од дуелот Иран-Португалија од групата Б, додека домаќините би се „судриле“ со моќната Шпанија.
Исходот на мечот меѓу двата тима кои одат понатаму, Уругвај и Русија, беше решен уште во првото полувреме, откако Уругвајците постигнаа два „лесни“ гола, а Русија остана со играч помалку, по што мечот во Самара само рутински се доведе до крајот.
Луис Суарез ја искористи првата вистинска шанса на натпреварот за во 10. минута со успешно избегнување на живиот ѕид да постигне убав гол од слободен удар одговорајќи на критиките дека „никаде го нема“ на Мундијалот.
Веќе во 23. минута беше 2:0, откако ударот на Диего Лаксалт беше пренасочен од Денис Чернишев и го „излажа“ Игор Акинфеев за молк на гласните руски навивачи. Во 36. минута, Русија остана со играч помалку откако Игор Смолников доби црвен картон, по што стана јасно дека „зборнаја“ нема да може да биде рамноправен противник.
Во 90. минута, Уругвај стави точка на натпреварот, откако по ударот со глава на Диего Годин кој Акинфеев го одбрани, Единсон Кавани конечно се запиша во листата на стрелците со удар со глава.
Во Волгоград пак, се играше натпревар без никакво резултатско значење, но со многу гордост и историја на теренот. Египет не успеа да се збогува со победа на шампионатот, откако одличниот лоб-удар на Мохамед Салах не беше доволен да се извлече победа против Саудиска Арабија, која во 90. минута постигна шокантен гол за 2:1 победа.
Мечот беше значаен по тоа што египетскиот голман Есам Ел Хадари стана најстариот фудбалер на едно СП, откако со 45 години стартуваше на „Волгоград арената“. Тој успеа да одбрани пенал во 41. минута од мечот, меѓутоа не и вториот обид од белата точка на Салман Ал-Фараџ во последните секунди од првото полувреме.
Кога се мислеше дека двете репрезентации ќе си одат дома со по еден поен, Салем Ал-Давсари донесе изненадувачка победа за азиската репрезентација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.