Македонија
Во „Канал5+“ бил вработен само директорот – Агенцијата за медиуми предложи да ѝ биде одземена дозволата
Директорот на Агенцијата за аудио и адуиовизуелни медиумски услуги на Советот му предложи да ѝ биде одземена дозволата за телевизиско емитување на телевизијата „Канал5+“ поради неисполнување на одредби од Правилникот за минималните кадровски, технички, финансиски и просторни услови за работа.
Наместо во телевизијата да работат 30 лица, од кои, 10 треба да бидат новинари со завршено високо образование, во медиумот бил вработен само директорот. Агенцијата во неколку наврати се обидувала да добие известување од телевизијата, но освен привиот одговор, сите останати биле игнорирани.
„Канал 5+“, заедно со А2 телевизија и Сител 3 плус беа првите приватни телевизии со сателитска национална концесија кои започнаа со емитување програма во 2008 година.
Телевизијата во првата година имаше информативна редакција. По само неколку месеци уредниците и новинарите беа отпуштени, а телевизијата, и покрај обврската да емитува сопствена програма, продолжи да ги презема вестите од сестринската „Канал 5“, со посебен водител.
Според платформата „Медиа Педиа“, сопственот на овој медиум биле компаниите на поранешниот пратеник Борислав Стојменов. Во 2012 тој ја продал телевизијата на извесен Дејан Митев кога Агенцијата за медиуми започна да го спроведува членот од законот со кој што се забранува политики функционери и членови на нивните семејства да поседуваат телевизии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.