Uncategorized
Написот со пораката на Тито е коригиран – сменети запирката и точката
Написот со пораката на Тито што завчера повторно беше вратен на источната страна од Музејот на град Скопје, а на кој беше забележана погрешна интерпункција, односно поинаква од онаа на оригиналниот напис, е коригиран. Станува збор за инверзија на една точка и една запирка, што, според директорката на Музејот, е мал технички пропуст што бил исправен веќе утрото по откривањето на написот.
На социјаните мрежи имаше реакции за оваа грешка, а според некои написот требало да биде испишан по новиот правопис, а фонтот да биде идентичен со стариот.
Оригиналната порака на солидарноста што Јосип Броз Тито ја упатил на 27 јули 1963 година е ставена на Музејот во 1974 година. Пораката беше отстранета во 2001 година, а пред седум години исчезна и трагата од лепилото. Група граѓани имаа иницијатива за враќање на поракта на солидарноста и Градот Скопје и Музејот ја вратија пред два дена во рамките на одбележувањето на 55-годишнината од земјотресо, сметајќи дека таа е нераскинлив дел од спомените на Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.