Европа
Москва тврди, Киев негира дека украински ловец летал крај малезискиот авион
Украински ловец од типот „Сухој Су-25“ бил 3 до 5 километри оддалечени од малезискиот „Boeing 777“ непосредно пред неговиот пад изјави во понеделникот началникот на главната оперативна управа на Генералштабот на руската армија, генералот Андреј Картаполов, кој ги повика САД да објават сателитски снимки од тој временски интервал, а украинскиот претседател Петро Порошенко одговори дека во времето на несреќата сите украински авиони биле приземјени.
„Видовме дека украинскиот авион ’Су-25’ се крева кон малезискиот Boeing кој од него беше оддалечен 3 до 5 километри. Су-25 може да лета на височина до 10.000 метри. Носи ракети со дострел од 12 километри и сигурно гаѓа цел на растојание до 5 километри“, изјави генералот Андреј Картаполов на прес-конференција во Москва.
„Се прашуваме: зошто ловецот летал на таа височина кога и цивилен авион?“, додаде Картаполов.
Авионот од типот „Сухој Су-25“ кој во класификацијата на НАТО се именува како Frogfoot примарно е јуришен авион за напади на цели на земјата. Но постои варијанта и можност овој тип авион да биде опремен со ракета Р-60 воздух-воздух.
Генерал Картаполов наведе и други податоци за уривањето во четвртокот на 17-ти јули на малезискиот „Boeing 777“ со 298 патници и членови на екипажот на летот до Амстердам до Куала Лумпур во источна Украина, во областа на Донецк на 50-ина километри од руската граница, територија којашто е под контрола на проруските бунтовници. Украина ги обвинува бунтовниците и Русија дека се одговорни за соборување на малезискиот патнички авион, додека Москва во понеделникот првпат објави дека постојат сомневања дека авионот е урнат од украинските сили.
„По Донецк малезискиот авион ја променил насоката и се оддалечил од својот коридор 14 километри налево. Потоа се обидел да се врати во коридорот, но не го извел докрај маневарот. Во 17.20 часот забележан е значителен пад на брзината, а во 17.23 часот исчезнал од радарските екрани на руската контрола на летањето. Прашање е зошто излегол од својот коридор, односно дали станува збор за навигациска грешка или наредба на украинскиот контролор на летот“, додаде генералот Картаполов.
Тоа алудира на еден пост од социјалните мрежи на шпански контролор на летот во Украина дека околу малезискиот авион биле регистрирани два украински воени авиона. Покрај тоа, британските медиуми објавија анализа на тамошни воздухопловни експерти кои тврдат дека „Boeing 777“ летал 483 километри посеверно од маршрутата којашто ја користеле авионите на малезиската компанија изминатиот период.
Генералот Картаполов, исто така, изјави дека на денот на несреќата ракети земја-воздух на украинските сили, коишто можат да погодат цел на 35 километри оддалеченост, биле распоредени недалеку од Донецк. „Зошто тие украински сили биле таму и на кога го насочиле тоа класично противвоздушно оружје кога сите знаат дека бунтовниците немаат авијација“, запраша генералот.
Генералот покрај тоа негираше дека Русија на проруските бунтовници им доставила ракетни системи „Бук“, со кој, како што постојат сомневањa е урнат малезискиот авион на летот МН17, што го тврдат Украина и САД. „Русија на бунтовниците не им даде ракетни системи ’Бук’, ниту кој и да е друг вид оружје и воена опрема“, категоричен е генералот Картаполов.
Руското министерство за одбрана претходно во петокот соопшти дека неговиот радарски систем регистрирал активност на ракетен систем „Бук – М1“ на украинската армија во времето на трагедија, кој може да даде и податоци на друг систем. Притоа, руската страна потсетува на трагедијата од 2001 година, кога украинските противвоздушни сили на Црно Море соборија руски патнички авион „Ту-154“ на линијата Тел Авив – Новосибирск, кога загинаа 78 луѓе од кои 66 Израелци и 12 Руси членови на екипажот, и долго време негираа своја инволвираност.
Трагедијата на малезискиот авион и времето на снимањето на американскиот сателит на територијата на Украина се совпаѓаат, исто така тврди началникот на главната оперативна управа на Генералштабот на руската армија.
Картаполов на прес-конференцијата се обрати директно до САД со молба да ги достават снимките од тој сателит. „Според нашите пресметки, од 17.06 до 17.21 часот (по московско време) на 17-ти јули над југоисточните области на Украина прелетал американски вселенски уред, овој апарат е експериментален космички систем развиен за откривање и следење лансирање ракети со различни дострели“, рече Картаполов.
„Доколку kaj американската страна постојат снимки од тој сателит, би ги замолил да ги обезбедат за меѓународната задница за детално проучување“, порача рускиот генерал.
„Случајно или не, меѓутоа трагедијата на малезискиот Boeing и времето на набљудувањето на американскиот сателит на украинската територија се совпаѓаат“, изјави Картаполов.
Одговарајќи на тврдењата на руското министерство за одбрана дека украински воена авион летал близу малезискиот патнички авион во времето на несреќата, претседателот на Украина, Петро Порошено за американската телевизиска мрежа CNN рече дека сите воени апарати на украинската армија во тој период биле приземјени и кусо изјави „Тоа не е вистина“.
Американската телевизија притоа наведува дека авионот „Сухој Су-25“ е примарно јуришен авион за напад на цели на земај, како тенкови, артилериски батерии итн. Иако се дозволува можноста дека овој тип авион може биде опремен со ракети воздух-воздух Р-60 (кои во НАТО класификацијата се нарекуваат AA-8 Aphid) со наведување на извор на топлина, „меѓутоа тоа би било многу невообичаено, бидејќи украинските воздушни сили ги поседуваат ’чистокрвните’ ловци ’Сухој – Су-27’ и ’Миг-29’./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците со дронови нападнаа трафостаница во близина на Москва
Украина изврши напад со беспилотно летало врз областа Сергиев Посад во близина на Москва рано утрово, при што едно лице беше повредено и беше прекинато снабдувањето со електрична енергија во делови од верски значајниот центар, изјави раководителот на областа.
„Ги молам сите да останат смирени, да не се приближуваат до прозорците, да не ја фотографираат работата на воздушната одбрана“, напиша Оксана Јероханова во објава на апликацијата за пораки Телеграм.
Таа рече дека во округот – на околу 75 километри од Кремљ – биле пријавени најмалку четири експлозии и дека е оштетена трафостаница, оставајќи делови од округот без електрична енергија.
Drones strike Russia’s Sergiyev Posad in the Moscow region, with a power station among the damaged targets. pic.twitter.com/H2vVCwddql
— KyivPost (@KyivPost) July 4, 2025
Административниот центар на округот, градот Сергиев Посад, се смета за религиозен центар на Московскиот регион и духовно срце на Руската православна црква.
Руското Министерство за одбрана соопшти на Телеграм дека единиците за воздушна одбрана уништиле 48 украински беспилотни летала над пет руски региони преку ноќ. Министерството, кое известува само за бројот на беспилотни летала што ги уништиле неговите сили, а не за бројот на летала лансирани од Украина, не го наведе Московскиот регион како регион каде што биле соборени беспилотните летала.
Европа
(Видео) „Ова беше една од најлошите ноќи во Киев досега“, вели украинскиот министер за надворешни работи
Украинскиот министер за надворешни работи Андриј Сибиха изјави дека синоќа во Киев било „апсолутно ужасно и бессоно“ и „едно од најлошите досега“, откако Русија започна масовен, повеќечасовен ракетен и напад со дронови, врз украинската престолнина.
„Стотици руски дронови и балистички ракети паѓаа врз Киев“, објави Сибиха на платформата Икс.
Absolutely horrible and sleepless night in Kyiv. One of the worst so far.
Hundreds of Russian drones and ballistic missiles rained down on the Ukrainian capital.
Right after Putin spoke with President Trump. And he does it on purpose.
Enough of waiting! Putin clearly shows… pic.twitter.com/R0mlfUgJRx
— Andrii Sybiha 🇺🇦 (@andrii_sybiha) July 4, 2025
Тој додаде дека нападот бил извршен веднаш откако рускиот претседател Владимир Путин разговарал со американскиот претседател Доналд Трамп, заклучувајќи: „И тој го прави тоа намерно“.
„Доста чекање. На Москва мора веднаш да ѝ се воведат најстрогите можни санкции“, рече тој. Сибиха ја повика меѓународната заедница да престане да чека и решително да реагира.
„Путин јасно покажува целосно непочитување кон САД и сите оние кои повикаа на крај на војната. На Москва мора веднаш да ѝ се воведат најстрогите можни санкции. На Украина мора да ѝ се дадат сите потребни средства за нејзина одбрана“, рече тој.
Тој, исто така, предупреди дека одлуките што одложуваат можат само да го охрабрат агресорот да продолжи со теророт, заклучувајќи: „Секој криминален режим во светот сега внимателно ги следи потезите и реакциите на Путин на нив. Ако се извлече со ова, пораката ќе им биде јасна на сите. Престанете да чекате мир. Дејствувајте за да го постигнете. Мир преку сила“.
Киев синоќа беше под интензивно гранатирање со часови. Руските сили нападнаа најмалку 13 локации во градот, а според градоначалникот Виталиј Кличко, повредени се најмалку 19 лица, од кои 14 се хоспитализирани.
Европа
(Видео) Брутален руски напад врз Киев по разговорите Путин-Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени области и цивилна инфраструктура. Нападите предизвикаа пожари во неколку делови од Киев, соопштија локалните власти.
Нападот се случува помалку од 12 часа по телефонскиот разговор меѓу американскиот претседател Доналд Трамп и рускиот претседател Владимир Путин. Според градските власти, погодени се најмалку 13 локации низ главниот град, при што се повредени најмалку 19 лица, од кои 14 се хоспитализирани.
Kyiv reality.
Missiles fly as civilians try to stay safe in shelters.
Stopping supplies of air defense missiles to Ukraine means a direct threat to civilians, to people like these ones on the video. It means more Russian terror and more tragedies for Ukrainians. https://t.co/9Oe1v6C9ta pic.twitter.com/JCBMBx9Rej
— Anton Gerashchenko (@Gerashchenko_en) July 4, 2025
Пожари низ Киев, жителите добија молба да ги затворат прозорците
Шефот на Воената администрација во Киев, Тимур Ткаченко, рече дека пожари избувнале низ целиот град и ги предупреди жителите да ги затворат прозорците поради „опасни производи од согорување“ во воздухот. „Русија, терористичка држава, остави пустош зад себе“, рече Ткаченко на Телеграм. „Русите не носат ништо друго освен терор и убиства. Тоа е факт.“
Новинарите на „Киев Индепендент“ објавија дека експлозиите во Киев започнале околу 22 часот по локално време и траеле до раните утрински часови на 4 јули. Украинските воздухопловни сили објавија дека Русија испалила балистичка ракета кон Киев околу 00:30 часот, по што следеле уште неколку околу 02:30 часот.
Kyiv at this hour as Russians unleash what must be the largest attack of the war, targeting the city's civilian population with drones and ballistic missiles.
Meanwhile, the US forbids Ukraine from striking Russia's oil infrustructure, the one thing that can stop the war. pic.twitter.com/SLpXWGv9XR
— Kyiv Insider (@KyivInsider) July 4, 2025
Според достапните информации, дронот удрил во станбена зграда во населбата Оболон и предизвикал пожар на покривот. Во населбата Свјатошино, остатоците од дрон предизвикале пожар во магацин и го погодиле дворот на 16-катна зграда, во кој изгореле и возила. Уште еден пожар избувнал во деловен простор откако паднале остатоците од дронот.
Во Дњепровскиот округ, остатоци паднаа во близина на училиште и неколку станбени згради, додека во Соломјанскиот округ избувна пожар во административна зграда, магацини и гаража. Остатоците оштетија неколку деловни простории. Во Шевченковскиот округ, се запали ненаселен стан на првиот кат од осумкатна зграда, а пожар избувна и во деловна зграда во истиот округ. Оштетена е и медицинска установа во Холошиевскиот округ.
A number of Russian drones are heading toward Kyiv, the city's military administration reports.
According to monitoring channels, about 25 drones are moving toward the capital.
📹: mothers with strollers and children in Kyiv run for shelter/Yan Dobronosov https://t.co/gwq6Ku9WXA pic.twitter.com/9YlPhZBVI9
— Anton Gerashchenko (@Gerashchenko_en) July 3, 2025
Руски беспилотни летала го погодија и градот Полтава, оштетувајќи згради и едно возило, а повредувајќи две лица, изјави гувернерот Володимир Кохут.
Нападот се случува само неколку часа по телефонскиот разговор меѓу рускиот претседател Владимир Путин и американскиот претседател Доналд Трамп. За време на разговорот, Путин рече – според руското соопштение – дека Русија „продолжува да ги следи своите цели во Украина“, и покрај повиците на Западот за прекин на огнот.
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Се преврте возило со македонски регистарски таблички, загина сопатникот: тешка сообраќајна незгода во Србија
Едно лице загина, а едно е тешко повредено во сообраќајна несреќа што се случи утрово. Како што објави српски „Блиц“,...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување за 2,3 проценти во однос на претходната година. Според...
(Видео) Студенти уапсени на ливада пред Факултетот за драмски уметности во Белград
Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...
(Видео) Трамп: Не постигнав никаков напредок во разговорот со Путин
Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...
(Видео) Брутален руски напад врз Киев по разговорите Путин-Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...
(Видео) Студенти: Тотална блокада на Србија наутро; Вучиќ: Ве молам, вразумете се
Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...
Околу половина час се чека на Богородица и Табановце
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Сончево и многу топло, температурата денеска до 40 степени
Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
(Видео) Платата на пилотите во ДЗС покачена за 100 отсто како дополнителен мотив, кажа Ангелов
Платата на десетте вработени во Одделението за специјализирани воздухоплови во ДЗС им е покачена за 100% и им е даден...
(Видео) Јакимовски: Унапредувањето на судијката Димовска е награда за мојата затворска казна
Начинот на кој е избрана судијката Даниела Димовска за вд претседател на Основниот кривичен суд Скопје ми дава за право...
Можно е Костадинов да се кандидира за градоначалник на Струмица како независен кандидат
Актуелниот градоначалник на Струмица, Костадин Костадинов, ја отвори можноста да се кандидира како независен кандидат за нов мандат, oткако СДСМ...
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
(Фото) Масовна евакуација на туристи поради пожар на Крит
Голем пожар во Грција продолжува да беснее во источниот дел од островот Крит, откако избувна вчера попладне во тешко пристапна...
Украински функционер: Европа прави сè што може, но ќе биде тешко без американско оружје
Украина ги повика САД да продолжат со „континуираната“ воена помош, по изненадувачката најава дека некои испораки на оружје за Киев...
(Видео) Украинците уништија руско складиште за муниција, се шири снимка од огромна експлозија
Украина очигледно извршила напад врз руско складиште за муниција во градот Карцизк во окупираниот дел од Донецката област на 2...
