Црна хроника
Три жртви во пукање во Швајцарија
Три лица се убиени во понеделникот во пукање во близина на железничка станица во швајцарскиот град Вилдерсвил во кантонот Берн, соопшти швајцарската полиција.
Три лица се убиени во понеделникот во пукање во близина на железничка станица во швајцарскиот град Вилдерсвил во кантонот Берн, соопшти швајцарската полиција.
Трите безживотни тела биле пронајдени од страна на полицијата на паркингот во близина на железничката станица. Засега претставниците на властите и на полицијата се воздружуваат од давање какви и да се информации во врска со инцидентот.
Според локалните медиуми, истражителите покрај местото на кое се пронајдени убиените ја пребаруваат и терасата на хотел кој се наоѓа на околу 200 метри од паркингот, кој е блокиран од припадници на безбедносните сили.
Порталот 20 minutes повикувајќи се на локални жители, пишува дека најверојатно станува збор за семејна кавга. Мажот ја застрелал сопругата, потоа детето и на крајот самиот си го одзел животот. Додале дека истрелите се слушнале околу 7 и 7.30 часот утрото по локално време./крај/мф/сн
Извор: 20 minutes
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Мала Речица, пронајдена дрога
Вчера во 18.45 часот во Тетово, полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од с.Мала Речица, тетовско.
При претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото.
Лицето било задржано во полициска станица и по целосно документирање на случајот, против него ќе биде поднесена соодветна пријава.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.