Домашен
Лекиќ и Пенезиќ за победа на ЖРК Вардар
Ракометарките на ЖРК Вардар потешко од очекувањата забележаа победа над Подравка во Копривница со 27-26. Вардарки стигнаа до втората победа во Лигата на шампионките, со што го обезбедија пласманот во следната фаза.
Ракометарките на Вардар и во Копривница покажаа дека се далеку од вистинската форма и дека пред Индира Кастратовиќ престои многу работа доколку сака оваа екипа да игра на завршниот турнир во Лигата на шампионките.
Вардарки и на натпреварот со Подравка ги демонстрираа сите свои слабости, особено тоа се однесува на организацијата на нападите.
Против Подравка Вардарки загубија дури шест топки во нападот во првите 15 минути, а по предноста која ја имаа од 2-3, реиси десет минути не успеаја да постигнат гол дозволувајќи им на противничките со серија од шест гола да стигнат до водство од 8-3.
Неорганизираната игра ја натера Индира Кастратовиќ да побара минута одмор по само 13 минути игра. Но ниту советите кои им ги подели на тај аутот не донесо никаква промена во игарта на Вардар, туку Подравка стигна до максимални шест голови предност (10-4).
Вардарки започнаа да го фаќат вистинскиот ритам по 20.минута, кога за три минути постигнаа четири гола и се долижија на негатива од два (10-8).
До крајот на полувремето Вардар два пати се доблчижи на негатива од еден гол, но Подравка сепак успеа со два гола замине на одмор (13-11).
Нешто подобро изгледаше играта на Вардар на почетокот од вторито дел, кога со серија од 2-5, стигнаа до водство од 15-16 во 37.минута.
Во наредните девет минути екипите се менуваа во водство, а потоа Подравка повотрно стигна до два гола предност (21-19, 22-20), во ситуација кога Вардар беше со ракометарка помалку на теренот.
Водството на Подравка го анулира Лекиќ со два врзани гола за 22-22, а потоа Суслина одбрани удар од седум метри, но нејзините колешки во нападот продадоа уште една топка.
Во периодот од 51. до 56.минута Вардар постигна три гола, два од нив Пенезиќ, со што македонските шампионки за прв пат стигнаа до предност од два гола (23-25).
драматично беше во последните две минути во кои Вардар влезе со гол предност 25-26, Пенезиќ загуби топка во нападот, а Суслина ја спречи контрата на Елез.
По тај аутот на Кастратовиќ, Вардарки организараа напад за левото крило Дембеле која погоди за победа.
Лекиќ со седум и Пенезиќ со шест гола ги предводеа Вардарки до победата, а Суслина на голот имаше 14 интервенции. Подравка ја предводеше Татари со седум голови.
ЖРК Вардар во наредното коло ќе ја пречека Подравка. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.