Свет
Американски медиуми: Сомнителните пакети во САД би можеле да бидат руска операција

За помалку од 48 часа американските мејнстрим-медиуми го обвинија претседателот Доналд Трамп за серијата сомнителни пакети испратени до водечките демократи и Си-ен-ен и секако Русија, објави „Раша тудеј“.
Американските власти сè уште трагаат по лицето или лицата одговорни за десет пакети со сомнителен експлозив, од кои ниту еден не експлодира. Најпрвин сомнителен пакет стигна на адресата на милијардерот Џорџ Сорос, а вчера и во ресторанот на актерот Роберт де Ниро.
Во синоќешната емисија Meet the Press Daily show на МСНБЦ, домаќинот Чак Тод и неговите гости го обвинуваа претседателот Трамп за неговата, како што ја нарекоа, заробена реторика против печатот.
„Се плашам дека би можело да се работи за руска операција“, рекол Тод објаснувајќи ги своите причини со тоа дека токму руското влијание прави поделба меѓу нив.
Тод не е првиот непријател на Трамп кој го вперил прстот кон Русија, пренесува РТ. Како што се наведува, опсесијата со Русија почна во 2016 година со изборите во САД кога демократката Хилари Клинтон се обиде да го дискредитира својот ривал Доналд Трамп обвинувајќи го дека има врски со Кремљ, тврдења базирани на несериозно досие составено од британски шпион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Напад во кривичниот суд во Њујорк, има повредени

Тројца судски службеници денес биле нападнати со нож и повредени во зградата на Кривичниот суд на Менхетен, потврдија два извори од њујоршката полиција кои се запознаени со нападот.
„Осомничениот напаѓач е приведен по нападот врз службениците во зградата на судот на Централната улица во Њујорк. Нападот се случил близу фоајето“, изјавил неименуван полициски извор за NBC.
Еден судски службеник се здобил со посекотини на лицето, друг на вратот, а третиот бил повреден кога осомничениот го фрлил на подот обидувајќи се да побегне, се наведува во извештајот на американската телевизиска мрежа.
Сите тројца повредени се медицински згрижени и се чувствуваат добро, а истрагата е во тек, иако засега не е јасно што бил мотивот за нападот.
Свет
„Ерусалим пост“: Трамп ќе му даде на Иран последна шанса

Американскиот претседател, Доналд Трамп, планира да му упати на Иран последна шанса за договор, објави „Ерусалим пост“, повикувајќи се на американски и европски претставници.
Според неофицијални информации, новата понуда би можела да биде уште поповолна од онаа од пред недела и половина, но сепак би се базирала на американското барање за нулта толеранција за збогатување ураниум.
Според истиот извор, Иран се обидел да посредува со американската администрација преку Оман и Катар со цел да ги запре израелските напади и да ги обнови преговорите за нуклеарната програма. Саудиска Арабија наводно дејствува преку посебен канал со иста цел – постигнување прекин на огнот.
Свет
Претседателот на Иран: Не сакаме ширење на војната

Иранскиот претседател Масуд Пезешкијан изјави дека Иран не сака да ја прошири војната со Израел, но ќе одговори пропорционално на секој напад, пренесува државната иранска новинска агенција.
Пезешкијан ова го рекол за време на телефонскиот разговор со турскиот претседател Реџеп Таип Ердоган.
„Иранските научни, воени и цивилни објекти беа под израелска агресија, при што беа убиени цивили, научници и воени водачи“, рече Пезешкијан.
„Иран не ја започна оваа војна, но ќе одговори според нивото на напад“, изјави.
Тој додаде дека учеството на Иран во нуклеарните преговори со САД зависи исклучиво од прекинот на нападите на ционистичкиот режим врз земјите во регионот.
Турскиот претседател Ердоган, според турската државна агенција, му рекол на Пезешкијан дека Турција е подготвена да игра улога на посредник за да помогне во деескалацијата на конфликтот и да го поддржи враќањето на преговорите за нуклеарната програма.