Црна хроника
Санкционирани над 1.000 возачи во Скопје во изминатата недела

Сообраќајната полиција изминатата недела спроведе зајакнати контроли на подрачјето на Град Скопје при што биле санкционирани вкупно 1.054 учесници во сообраќајот за сторени прекршоци од Законот за безбедност на сообраќајот.
Сообраќајната полиција изминатата недела спроведе зајакнати контроли на подрачјето на Град Скопје при што биле санкционирани вкупно 1.054 учесници во сообраќајот за сторени прекршоци од Законот за безбедност на сообраќајот.
Притоа, кај 31 возач е утврдено дека управувале возила под дејство на алкохол, потоа 82 лицa управувале возила со измината важност на сообраќајната дозвола, без возачка дозвола управувале – 55 возачи, кај 30 лица е утврден сообраќаен прекршок за поминување на црвено светло, додека 48 возачи управувале возила со над дозволената брзина, а 21 возач управувале возило со над 90 км на час во населено место.
Покрај ова, изречени се 82 прекршоци за некористење на сигурносен појас, 45 прекршоци за зборување на мобилен телефон, потоа 26 прекршоци за паркирање во зона на крстосница, автобуска постојка и пешачки премин, 367 прекршоци за неправилно и непрописно паркирање. За недавање на првенство на минување изречен е еден прекршок, за недавање првенство на минување на пешаци изречени се 12 прекршоци, за непрописно престројување изречени се 11 прекршоци, за прекршоци што ги чинат пешаците изречени се 74 прекршоци, за непрописно престигнување изречени се четири прекршоци, а кај пет возила е утврдена техничка неисправност. Со пајак возило подигнати се вкупно 329 возила.
СВР-Скопје и понатаму ќе продолжи со зајакнати сообраќајни контроли по однос на прекршоци кои доведуваат до сообраќајни незгоди и апелира до граѓаните да ги почитуваат сообраќајните правила и прописи со цел да се намалат сообраќајните незгоди, се вели во соопштението. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Детали за сообраќајната несреќа кај Бит-пазар: велосипедистот со тешки повреди пренесен во болница

МВР со детали за вчерашната сообраќајна несреќа што се случи кај Бит Пазар, а во која учествуваа автомобил и велосипедист.
„На 08.07.2025 во 13.15 часот во СВР Скопје е пријавено дека на бул.„Крсте Мисирков“ во Скопје се случила сообраќајна несреќа во која учествувале патничко возило „фиат панда“ со скопски регистарски ознаки, управувано од 25-годишната С.А. и велосипед управуван од А.Ј.(32), двајцата од Скопје“, велат од МВР.
Во несреќата со тешки телесни повреди се здобил А.Ј., констатирани во Комплексот клиники „Мајка Тереза“. Извршен е увид од увидна екипа од СВР Скопје.
Црна хроника
Уапсен маж во Демир Хисар: возел под дејство на алкохол

Вчера во 20.35 часот на улицата „Битолска“ во Демир Хисар, од страна на полициски службеници од ОВР Демир Хисар е лишен од слобода 59-годишниот Б.М. од село Бучин, крушевско.
При контрола во патниот сообраќај, полициските службеници сопреле патничко возило „мазда“ со крушевски регистарски ознаки, кое го управувал Б.М., и по преземени мерки било констатирано дека бил под дејство на алкохол, односно измерени му се 1,58 промили алкохол во крвта.
По документирање на настанот, ќе биде поденесена пријава по чл.297-а од КЗ „безобѕирно управување со моторно возило“.
Црна хроника
Уапсени двајца шверцери на мигранти

Вчера околу 17.40 часот во близина на локалниот пат помеѓу село Богородица и село Стојаково од страна на полициски службеници од ПСГН Богородица биле пронајдени 13 лица мигранти (11 од Египет и 2 од Сирија), а околу 18.30 часот во близина на фабрика во село Стојаково биле пронајдени 11 мигранти од Египет, кои претходно биле превезени со патничко возило „мерцедес“.
Мигрантите се спроведени во Прифатниот транзитен центар „Винојуг“-Гевгелија и со нив бил извршен службен разговор, во кој изјавиле дека групата ја водел А.А.(26), а му помагал И.К.(22), двајцата од Сирија.
Околу 20.00 часот двајцата осомничени биле лишени од слобода поради постоење основи на сомнение за сторено кривично дело по чл.418-б од Кривичниот законик и се задржани за понатамошна постапка. Известен е јавен обвинител од ОЈО за ГОКК и против лицата ќе следува соодветна пријава.