Црна хроника
Кривични пријави против петмина дебaрчани кои извршиле тешки кражби
Поради постоење основи на сомнение за сторени десет казнени дела „тешка кражба“, полициската станица од Дебар поднесе кривични пријави против Љ.А.(18), О.Х.(19), А.М.(22), Е.К. (20) и Ј.К. (26) сите од Дебар, се вели во соопштението на СРВ Охрид.
Портпаролот на СВР, Стефан Димовски, изјави дека од почетокот на оваа година, пријавените самостојно, но и во група ги извршиле тешките кражби, пред се, во куќи низ Дебар за кои знаеле дека во нив не живее никој, бидејќи сопствениците биле на привремена работа во странство. Тие, тешки кражби извршиле во работилница и трафика во градот.
Пријавените, со употреба на тврди предмети, но и со погоден алат и прибор, успевале да ги оштетат бравите од влезните врати и прозорци од куќите, по што, со употреба на физичка сила насилно влегувале во внатрешноста и одземале бакарни украси, вазни, пепелници, ЛЦД телевизори, апарати за кафе, бормашини, една хилта за бетон, пиштол нитни, пиштол за клинци и други вредни предмети. На тој начин, пријавените се стекнале со протвиправна имотна корист во вкупен износ од 202.250 денари.
Работејќи на реализација на тешките кражби, полициската станица од Дебар, оформи предмет со прецизни оперативни информации по што, по добиена наредба од Основниот суд во Дебар изврши претрес во домовите на сега пријавените. Притоа, пронајдени се дел од предметите бесправно одземени при кражбите./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Стојаково, пронајдена дрога, приведено едно лице
Вчера во 16.10 часот во село Стојаково, општина Богданци, полициски службеници од ОВР Гевгелија го лишиле од слобода В.К.(30) од село Стојаково.
При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава.
Црна хроника
131 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 131 меркa, меѓу кои за возење без возачка дозвола 17 санкции, 14 мерки за непочитување на брзината на движење, девет мерки за користење мобилен телефон при возење, осум санкции за минување на затворен сигнал – црвено светло…
Сообраќајните контроли продолжуваат и во наредните денови.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.