Свет
(Од минута во минута) Тензично во Азовското Море, воена состојба во Украина, војската на готовс
Ден по инцидентот меѓу Русија и Украина во Азовското Море, кога Русија заплени три украински брода со употреба на оружје, состојбата во теснецот е стабилна, но расне напнатоста на политички терен.
22:05 Трамп: Не ми се допаѓа ситуацијата помеѓу Москва и Киев
Претседателот на САД, Доналд Трамп изјави дека не му се допаѓа она што се случува помеѓу Русија и Украина, ден откако Русија заплени украински бродови во близина на Крим.
„Не ми се допаѓа ова што се сучува. Се надеваме дека тоа ќе биде решено“, изјави Трамп пред новинарите, пренесе „Ројтерс“.
21: 10 Парламентот го подджа Порошенко: Воена состојба од 30 дена во Украина
Украинскиот парламент ја поддржа одлуката на претседателот на земјата, Петро Порошенко за воена состојба во рок од 30 дена поради инцидентот во керчската теснина.
Седницата на која требаше да биде одобрен указот за прогласување на воената состојба претходно беше одложена и започна со доцнење поради барања на дел од пратениците за детална дискусија пред да се пристапи кон гласањето, јавија локалните медиуми.
21:00 Руската служба за безбедност: Бродовите делувале по наредба на Киев
Руската Федерална служба за безбедност (ФСБ) објави вечерва преглед на настаните во керчската теснина, истакнувајќи дека трите бродови на Украина влегле во територијалните води на Русија, по директна наредба од страна на Киев.
ФСБ соопшти дека трите брода на украинската морнарица ги прекршиле членовите 19 и 21 од Конвенцијата на Обединетите Нации за поморски права, ја преминале границата на 25 ноември и влегле во привремено затворено подрачје на територијалните води на Русија. Тие се движеле од Црното море кон керчската теснина, се наведува во соопштението на ФСБ.
20:22 Сенатор побара дополнителна помош за Украина
Американскиот сенатор, Роберт Менендез апелираше од претседателот на САД, Доналд Трамп да пружи дополнителна помош за Украина како одговор на руската акцијаво близина на Крим.
20:03 Русите ги испитувале притворените украински морнари
Руската федерална безбдносна служба (ФСБ) соопшти дека ги испитала украинските морнари притворени по инцидентот во керчската теснина.
ФСБ објави видео од сослошувањето, пренесе руската новинска агенција „ТАСС“.
20.00 Одложена седницата за воената состојба во Украина
Украинскиот парламент ја одложи седницата на која треба да биде одобрен указот за предлогот за воената состојба во земјата, што го потпиша украинскиот претседател, Петро Порошенко.
Како што пренесуваат медиумите, членовите на неколку парламентарни партии на почетокот на едницата побарале детална дискусија за моменталната ситуација, по инцидентот во керчската теснина.
19:20 Советот за безбедност не го усвои предлогот на Русија
Седум членки на Советот за безбедност на Обединетите Нации гласаа против рускиот предлог да се свика итна седница посветена на инцидентите во керчската теснина.
Кина, Русија, Казахстан и Боливија го поддржаа рускиот предлог, а четири земји беа воздржани, пренесе руската новинска агенција „ТАСС“.
18: 51 Столтенберг ја повика Русија да ги ослободи морнарите и бродовите
Шефот на НАТО, Јенс Столтенберг ја повика Русија да ги ослободи украинските морнари и бродови, оценувајќи дека не постои оправдување за постапките на Москва.
„Она што го видовме вчера беше многу сериозно“, изјави Столтенберег на прес-конференција за новинарите по вонредниот состанок на Алијансата по барање на Украина.
18:43 Ники Хејли ја предупреди Русија за состојбите во Украина
Американската амбасадорка при Обединетите Нации, Ники Хејли ја предупреди Русија дека запленувањето на трите воени брода претставува срамно нарушување на суверенитетот на украинската територија и дека се работи за арогантен чин што меѓународната заедница мора да го осуди.
18:03 Порошенко ја намалува воената состојба на 30 дена
Претседателот на Украина, Петро Порошенко соопшти вечерва дека ќе предложи до парламентот во земјата, воената состојба да трае 30, наместо претходно најавените 60 дена, јави украинската амбасада во Белград.
16:20 Хан бара ослободување на украинските морнари
Европскиот комесар, Јоханес Хан, побара од Русија да ги ослободи морнарите и бродовите што вчера беа запленети во близина на теснината Керч.
15:55 Претставник на украинската амбасада повикан на разговор во руското МНР
Претставник на украинската амбасада повикан на разговор во руското МНРОбјавено пред 1 минута – 26 ноември, 2018Од Макфакс
Заменик-секретарот на украинската амбасада во Москва, Руслан Нимчиски, пристигна во руското Министерство за надворешни работи, само неколку часа откако Москва објави дека ќе ги покани претставниците на Украина да разговараат за инцидентот во Керч, пренесува ТАСС.
15.10 Воведена воена состојба во Украина
Указот за одлуката на Советот за национална безбедност и одбрана за воведување на воена состојба во Украина, која денеска ја потпиша претседателот Петро Порошенко, ќе биде на сила се до 25 јануари 2019 година, беше објавено на веб-страницата на украинскиот претседател.
14.45 Климкин: Украина го задржува правото да се одбрани од Русија
Украинскиот министер за надворешни работи Павло Климкин изјави дека Украина го задржува правото да се одбрани од Русија. Тој не ја исклучува можноста дека Москва ќе продолжи со агресивни чекори и на копно и на море.
14.00 Европската комисија побара од Русија да ги ослободи украинските бродови
Европската комисија побара од Русија да ги ослободи трите украински брода што беа запленети во неделата во близина на полуостровот Крим, кој беше припоен кон Русија во 2014 година.„Ројтерс“ објави дека портпаролката на Европската комисија истакнала дека ЕУ не го признава руското припојување на Крим и изјавила дека Русија е должна итно да го одблокира теснецот Керч.
Денеска украинскиот парламент треба да го разгледа барањето на претседателот Петро Порошенко за воведување вонредна состојба.
Украинската морнарица изјави дека шест морнари биле повредени во неделата кога руската крајбрежна стража во близина на теснецот Керч отвори оган врз три украински брода, а потоа и ги заплени. Киев тврди дека украинските бродови ги почитувале правилата на меѓународниот поморски закон кога се упатиле кон Азовското Море.
13.30 Москва се закани: Киев ќе се соочи со последици по инцидентот кај Керч
Официјална Москва упати предупредување до Киев за можни последици со кои ќе се соочи по обидот за провоцирање конфликт, откако украински бродови нелегално влегоа во руските територијални води, пренесе „Раша тудеј“. Русија се закани дека силно ќе одговори со слични провокации.
12.45 Украинската амбасада во Скопје: Кремљ почна нова борба со Украина
По окупацијата на Крим и вооружената агресија на истокот на Украина, Кремљ почна нова фаза на борба со Украина – се спроведува економска блокада на украинските пристаништа во Азовското Море и на секој начин се комплицира морепловството во Црното Море, велат од Амбасадата на Украина во Скопје, еден ден по инцидентот кога Русија заплени три украински брода со употреба на оружје.
12.40 Украинскиот парламент ќе го разгледува барањето за воведување вонредна состојба
Украинскиот парламент денеска треба да го разгледа барањето на претседателот Петро Порошенко за воведување вонредна состојба.Претходно Министерството за одбрана на Украина соопшти дека војската е во состојба на највисока борбена готовност, по одлуката на Советот за национална безбедност и одбрана на Украина за воведување воена состојба во земјата, пренесува „Спутник“.
Претседателот на Украина, од друга страна, пак, побара од Русија веднаш да ги ослободи украинските морнари и бродови што беа запленети во Црното Море.
Тензиите меѓу Русија и Украина се засилија по ситуацијата во Азовското Море. Бродови на руската крајбрежна стража запленија три воени украински брода во Црното Море кај Крим, кои се обиделе да преминат низ теснецот Керч. Руската страна употребила оружје за да ги принуди да запрат, а во инцидентот се ранети тројца украински војници, наведе Федералната служба за безбедност на Русија.
12.30 Лавров: Намерна провокација од Украина
Провокацијата во теснецот Керч очигледно е дека е изведена под директна наредба на украинските власти, изјави рускиот министер за надворешни работи, Сергеј Лавров.
„Нема сомнежи дека е направено намерно и под директна наредба на раководството“, изјавил Лавров, коментирајќи го вчерашното впловување на украинските бродови во руските територијални води, пренесе ТАС. Тој истакнал дека украинската страна, кога ја планирала оваа провокација, сигурно пресметала дополнителна корист што сакала да ја извлече од оваа ситуација, очекувајќи САД и Европа слепо да ја поддржат, како и секогаш.
11.50 Ситуацијата кај Керч се смирува, Русија го отвори преминот
Русија го отвори теснецот Керч во близина на Крим, објави агенцијата „РИА Новости“. Теснецот е отворен откако руската крајбрежна стража заплени три украински брода во Црното Море во близина на Крим во неделата и употреби оружје за да ги принуди да запрат. Во овој момент ситуацијата е нормализирана, изјави генералниот директор на пристаништата на Крим, Алексеј Волков.
„Пловидбата низ каналот Керч е повторно воспоставена… нормално функционира”, рече Волков, јавува ТАС. Русија го блокираше теснецот Керч во неделата и притоа заплени три украински брода за кои изјави дека илегално влегле во територијалните води на Русија.
Воена состојба во Украина, војската на готовс
Министерството за одбрана на Украина соопшти дека војската е во состојба на највисока борбена готовност, по одлуката на Советот за национална безбедност и одбрана на Украина за воведување воена состојба во земјата, пренесува „Спутник“.
„Засилени се контраразузнавачките мерки со цел да се спречат други провокации од разузнавачките служби на Русија на територија на Украина и дестабилизација на ситуацијата во земјата“, соопшти Министерството.
Тензиите меѓу Русија и Украина се засилија по ситуацијата во Азовското Море. Бродови на руската крајбрежна стража запленија три воени украински брода во Црното Море кај Крим, кои се обиделе да преминат низ теснецот Керч. Руската страна употребила оружје за да ги принуди да запрат, а во инцидентот се ранети тројца украински војници, наведе Федералната служба за безбедност на Русија.
Украинската воена морнарица соопшти претходно дека испратила два мали алртилериски брода и еден брод што се користи за влечење на други пловни објекти од Одеса кон Мариопуљ, за што е потребно да се помине низ Црното Море околу Крим низ теснецот Керч во Азовското Море. Москва соопшти и дека над теснецот патролираат авиони Су-25. Поради ваквата состојба, Русија закажа вонредна седница на Советот за безбедност на Обединетите нации за 11 часот по локално време.
Kharkiv: protesters light flares at Russian consulate https://t.co/cL7ePHK20k pic.twitter.com/Z0VzmKxYfi via @itsector #Ukraine
— Liveuamap (@Liveuamap) November 26, 2018
11. 30 Порошенко бара ослободување на украинските морнари
Претседателот на Украина, Петро Порошенко, побара од Русија веднаш да ги ослободи украинските морнари и бродови кои беа запленети во Црното Море.Порошенко на состанокот на Националниот совет за безбедност побара и смирување на кризата поврзана со Крим.
Денеска украинскиот парламент треба да го разгледа и барањето на Порошенко за воведување вонредна состојба.Украинската морнарица изјави дека шест морнари биле повредени во неделата кога руската крајбрежна стража во близина на теснецот Керч отвори оган врз три украински брода, а потоа и ги заплени.Киев тврди дека украинските бродови ги почитувале правилата на меѓународниот поморски закон кога се упатиле кон Азовското Море.
11.00 Драма пред рускиот конзулат во Харков
Пред рускиот конзулат во Харков група демонстранти запалила факели, а како што може да се види на фотографиите и снимките на местото на настанот, во дворот на конзулатот се случил и мал пожар.
Ukraine’s President Poroshenko demands release of 23 captured Ukrainian sailors and three Navy vessels seized by Russia, "as a first step, and de-escalation in other directions." https://t.co/L0eEGEAuwc
— Christopher Miller (@ChristopherJM) November 26, 2018
10.53 Украинскиот вршител на должноста повикан во Министерството за надворешни работи на Русија
Вршителот на должноста во Амбасадата на Украина во Москва, Руслам Нимчински, е повикан во Министерството за надворешни работи на Русија во врска со „провокативните акции на Киев во Азовското Море”, изјави портпаролката на Министерството, Марија Захарова.
Video from FSB helicopter showing Russian ships harassing Ukrainian boats this morning https://t.co/hsrXMuUWAk pic.twitter.com/MRZnm1TX6M
— Liveuamap (@Liveuamap) November 25, 2018
10.30 Турција загрижена, Полска со осуда до Русија
Турција утрово соопшти дека е загрижена поради последните случувања меѓу Русија и Украина, додека Полска го осуди „агресивното однесување на Русија”, објави „Ројтерс“. Турското Министерство за надворешни работи соопшти дека не треба да има сообраќајна опструкција во теснецот Керч, што го поврзува Црното Море со Азовското Море.
10.00 НАТО ја следи ситуацијата
НАТО преку социјалната мрежа „Твитер“ објави дека постојано го следи развојот на ситуацијата во Азовското Море и теснецот Керч и дека е во контакт со властите на Украина, чијшто територијален интегритет го поддржува.Портпаролката на НАТО, Оана Лунгеску, на својот „Твитер“ додаде дека алијансата повикува на воздржаност и деескалација на конфликтот.
9.00 Протести пред руската амбасада во Киев
Неколку стотици демонстранти се собраа синоќа пред зградата на руската амбасада во Киев.Тие пред зградата на руската амбасада, како што објави Би-би-си, оставиле бротчиња направени од хартија. Според руските медиуми, тие пред оградата исто така поставиле гуми што се обиделе да ги запалат, но полицијата реагирала и ги спречила да го сторат тоа.
10.00 – Берлин повикува на смирување на ситуацијата
Заменикот на германскиот министер за надворешни работи, Михаел Рот, ги повика Русија и Украина да ги смират тензиите по инцидентот на Црното Море. Рот рече дека ова прашање е многу сериозно и дека ескалацијата на односите меѓу Русија и Украина е последна работа што ни е потребна.
9.57 Запален руски дипломатски автомобил во Киев
Во близина на Амбасадата на Русија во Киев, пред која синоќа беа палени факели и димни бомби, изгоре автомобил со руски дипломатски таблички. Најверојатно станува збор за руско дипломатско возило.
Russian embassy in Kyiv now: tires and paper boats https://t.co/Q3DhkqNGLJ pic.twitter.com/f8mLVs92i4 via @Kateryna_Kruk #Ukraine
— Liveuamap (@Liveuamap) November 25, 2018
Уште два украински воени брода се упатија од Бердјанск кон областа во која претходно три украински бродови веќе влегоа во руски територијални води, а пограничната стража на руската Федерална служба за безбедност (ФСБ) презема чекори со цел да се спречи нова провокација, соопшти прес-службата на ФСБ.
Граничната служба на руската ФСБ претпладне по локално време увидела дека уште два оклопни артилериски брода го напуштиле пристаништето во Бердјанск и потоа со максимална брзина се упатиле кон теснецот Керч, односно кон зоната на провокацијата што Украина ја извела претходно денеска.
Претходно, граничната служба на руската ФСБ во Крим објави дека три украински воени брода илегално ја минале границата на руската држава и влегле во нејзини територијални води, притоа изведувајќи опасни маневри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Џонсон: Европа треба да испрати војници во Украина или да замолчи
Поранешниот британски премиер Борис Џонсон остро ги критикуваше европските лидери за она што го нарече „празни ветувања“ за стратешка автономија од САД, предупредувајќи дека дебатата за европската независност од Вашингтон е „патетична и ирелевантна“ во моментов. Во авторски текст за „Волстрит џурнал“, Џонсон вели дека Европа не може да ја докаже својата вредност со декларации, туку со конкретни акции – пред сè, посилна и порешителна поддршка за Украина.
Според него, денес Европа се соочува со „златна можност“ да покаже вистинска стратешка тежина. Ако сака да ја преземе водечката улога од САД и да дејствува понезависно, војната во Украина е токму моментот за таква демонстрација на способности. Во спротивно, смета Џонсон, сите изјави за автономија остануваат само реторика.
Поранешниот британски премиер не штеди критики ниту кон Вашингтон. Иако истакнува дека трансатлантските врски се од клучно значење, тој наведува дека Американците „можат да бидат неподносливи“ и дека Белата куќа греши ако верува дека Москва навистина сака мир. Џонсон проценува дека администрацијата на американскиот претседател Доналд Трамп би можела да направи многу повеќе за да ја заврши војната, додавајќи дека Европа треба да се „моли“ за таков ангажман.
Во исто време, тој предупредува дека европските лидери мора да донесат одлука: или ќе бидат подготвени за „смели“ и „скапи“ чекори во корист на Киев, или треба да се откажат од празните повици за стратешка автономија и да ја продолжат политиката која, вели тој, функционира повеќе од еден век – потпирање на американската безбедносна гаранција.
Џонсон потсетува дека САД финансираат околу 70 проценти од вкупните расходи на пактот на НАТО, обезбедуваат речиси целиот потенцијал за нуклеарно одвраќање на алијансата, како и доминантен дел од нејзиниот транспортен капацитет за тежок товар. Поради оваа причина, тој верува дека е опасно да се „преправа“ дека постои вистинска европска алтернатива на НАТО.
„Или мора да покажат дека се посветени и подготвени за нешто големо, ризично и стратешки автономно – што очигледно немаат намера да го прават – или мора да молчат“, рече Џонсон.
Како конкретни мерки, тој предлага испраќање европски трупи во една од „безбедните зони“ во Украина, испорака на ракети за уништување на руските производствени капацитети за беспилотни летала, координирана акција против руската „флота во сенка“, како и префрлање на замрзнатите руски средства во Киев.
Според „Политико“, довербата меѓу Европа и САД е на работ на колапс. Во анализа за „Гардијан“, новинарот Пол Тејлор истакнува дека на Европа ѝ недостасува нова воена структура способна за брзи и ефикасни одлуки, бидејќи ниту НАТО ниту Европската Унија не можат да гарантираат навремен одговор на можна агресија. Како можно решение, како дел од поддршката за Украина се споменува „коалиција на добронамерните“.
Москва, од своја страна, веќе предупреди на последиците од евентуалното продлабочување на расколот меѓу Брисел и Вашингтон, што дополнително го комплицира геополитичкиот контекст во кој се води дебатата за стратешката иднина на Европа, анализираат медиумите.
Според написите, во такви околности, пораката на Џонсон делува како повик за јасна определба, или Европа да ја прифати реалноста на сопствените ограничувања и да продолжи да се потпира на американската моќ, или мора да биде подготвена да ја плати цената на реална, а не декларативна, автономија.
Свет
„Фајненшл тајмс“: Крај на една ера, Лагард се повлекува од функцијата
Претседателката на Европската централна банка (ЕЦБ), Кристин Лагард, би можела да се повлече од таа позиција пред крајот на нејзиниот осумгодишен мандат во октомври, објави „Фајненшл тајмс“ (FT), наведувајќи дека нејзиното заминување би можело да се случи пред претседателските избори во Франција.
Британскиот весник, повикувајќи се на неименуван извор запознаен со нејзините планови, наведува дека Лагард сака да ја напушти својата функција пред изборите во Франција, за да можат францускиот претседател Емануел Макрон и германскиот канцелар Фридрих Мерц да се договорат за нејзиниот наследник.
Не е прецизирано кога евентуално би можела да се пензионира.
Портпаролката на Европската централна банка објави дека „претседателката Лагард е целосно посветена на својата мисија“ и дека не донела никаква одлука во врска со завршувањето на нејзиниот мандат.
Според Блумберг, европските влади ја разгледуваат можноста за забрзан избор на наследник со цел да се избегне сценарио во кое евентуална крајно десничарска влада во Франција би одлучила за ова по изборите во 2027 година.
Членката на Извршниот одбор на ЕЦБ, Изабел Шнабел, и претседателот на Бундесбанк, Јоаким Нагел, се споменуваат како можни кандидати.
„Фајненшл тајмс“ исто така пишуваше во мај 2025 година за можноста за нејзино предвремено заминување, наведувајќи дека таа е во преговори за преземање на функцијата на чело на Светскиот економски форум, додека ЕЦБ потоа објави дека е решена да го заврши својот мандат.
Макрон, кој веќе отслужи два последователни мандати, не може повторно да се кандидира во 2027 година според сегашните правила.
Тврдењата на „Фајненшл тајмс“ дојдоа една недела откако гувернерот на Банката на Франција, Франсоа Вилерој де Гало, објави дека ќе се повлече во јуни оваа година, пред крајот на неговиот мандат, што ќе му овозможи на Макрон да именува наследник пред претседателските избори.
Мандатот на Кристин Лагард на чело на ЕЦБ трае до 31 октомври 2027 година.
Пред да дојде на чело на таа институција, таа беше генерален директор на Меѓународниот монетарен фонд од 2011 до 2019 година, а претходно ја извршуваше функцијата министер за финансии на Франција.
Свет
Белорусија не брза да се приклучи на „Советот за мир“: одлуката во согласност со Русија
Одлуката на претседателот на Белорусија Александар Лукашенко да не присуствува на првиот состанок на таканаречениот „Совет за мир“ отвори нова рунда толкувања на односот на Минск со иницијативите што доаѓаат од Вашингтон, но и прашањето до кој степен Белорусија самостојно креира надворешнополитички потези во чувствителни геополитички околности.
Лукашенко ги наведе „итните обврски“ како формална причина, но набргу потоа објави дека има намера да се договори за оваа тема со рускиот претседател Владимир Путин. Овој разговор, како што се очекуваше, би можел да се одржи на 26 февруари во Минск, за време на седницата на Врховниот државен совет на Федералната држава Русија и Белорусија. анализираат медиумите.
Според написите, пораката од Минск се толкува како демонстрација на лојалност кон сојузот со Москва. Според достапните информации, белорускиот лидер му го објаснил својот став на државниот секретар на Федералната држава Сергеј Глазјев, нагласувајќи дека Белорусија ќе соработува со „Советот за мир“ исклучиво во координација со Русија.
Ваквата формулација не е случајна. Москва сè уште не дефинирала конечна позиција за форматот на потенцијалното учество на американскиот претседател Доналд Трамп во оваа иницијатива, па секој независен чекор од Минск би можел да се протолкува како отстапување од заедничката линија.
Во последните години, Лукашенко често беше предмет на критики во руската јавност за неговиот таканаречен „мултивекторски“ пристап – неговите напори да го зачува стратешкиот сојуз со Москва и да ги одржи комуникациските канали со Западот.
Посетата на специјалниот претставник на САД, Кит Келог, на Минск во јуни 2025 година, телефонскиот разговор на Лукашенко со Трамп пред самитот во Анкориџ, како и поканата на американскиот претседател да ги посети САД со своето семејство, дополнително ги поттикнаа шпекулациите за можно затоплување на односите.
Белорусија е под силен притисок од западните санкции, а секое олеснување или укинување на ограничувањата би отворило простор за економски одмор и нови инвестициски текови.
Одлуката на Лукашенко да го одложи учеството и да чека помирување со Москва изгледа како прагматичен избор. Минск, според сите извештаи, оцени дека зачувувањето на единството во рамките на Федералната држава е приоритет, дури и по цена на привремено дистанцирање од форматот што потенцијално би можел да отвори нови дипломатски канали.
Одговорот на прашањето дали Белорусија активно ќе учествува во работата на „Советот за мир“ во иднина ќе зависи првенствено од заедничката проценка на Москва и Минск – но и од пошироката динамика на односите меѓу големите сили, во кои помалите сојузници мора внимателно да го мерат секој чекор, пишува „Политика“
(Видео) За Мицкоски контролата на цените не е популизам, туку заштита на граѓаните, најави праведност и кон оние што се обидуваат да профитираат од кризите и кон оние што избегнуваат обврски
Денешната конференција за формализирање на неформалната економија не е само експертска расправа. Таа е разговор за праведност во општеството. За...
(Фото) Изгореа викендица и куќа, се запали оџак: три интервенции на струмичките пожарникари
Струмичките пожарникари денеска уште во раните утрински часови имаа три интервенции. Во 06.55 часот, во излетничката населба Суви Лаки, запалена...
„Парите за боледувања доцнат – дали Клековски манипулира дека се редовни или фондот е празен“, прашува Левица
„Изминатиот период сѐ повеќе граѓани нѐ информираат дека одреден период Фондот за здравствено осигурување не врши навремена исплата на средства...
(Фото) На повеќе локации низ Скопје паднаа дрвја, Ѓорѓиевски: Екипите се на терен, реагираме навремено
Поради засилениот ветер и неповолните временски услови, на повеќе локации низ градот беа регистрирани паднати и оштетени дрвја. Градоначалникот Орце...
(Фото) Силниот ветер откорна покрив во училиште во Гевгелија
Преку Единствениот број за итни повици 112 е примена пријава дека поради силен ветер летнала лимената конструкција од покривот на...
Сè помалубројни, постари и понеисправни автобуси во кои се возат сè помалку патници, покажува истражувањето на Центарот за граѓански комуникации
Центарот за граѓански комуникации ги објави истражувањето и базата на податоци за капацитетите на Јавното сообраќајно претпријатие Скопје. Нивното истражување...
Мицкоски да одговори кој бил со него во владиниот авион, бара СДСМ
Луксузирањето на Мицкоски врз грбот на граѓаните и летањето со владин авион на Јадранско море го покажа вистинското лице на...
Панчевски поднесе кривична пријава против членовите на Советот на јавни обвинители, ги обвинува за злоупотреба
Кандидатот за државен јавен обвинител Владимир Панчевски, кој не доби позитивно мислење од Советот на јавни обвинители, најави дека ќе...
(Фото) По ерата на Југославија, селото Драчево е првото село во Македонија што добива сопствено модерно кино
Општина Кисела Вода вчера вечер официјално го отвори новото кино во Домот на културата во Драчево. Проектот, реализиран во партнерство...
Документите за Епстин се толку сериозни што би можеле да бидат злосторства против човештвото, предупредија експерти на ОН
Милиони досиеја поврзани со покојниот сексуален престапник Џефри Епстин укажуваат на глобална криминална мрежа што би можела да претставува злосторства...
(Видео) Најмалку десет скијачи исчезнаа во лавина во Калифорнија: започната е спасувачка операција
Најмалку 10 скијачи се водат како исчезнати, а шест други се заробени и чекаат спасување во услови на обилни снежни...
Мечка забележана во близина на Будимпешта
Мечка е видена во близина на Будимпешта. Животното веројатно не е од дивината, туку избегало од приватна фарма, објави општината...
Врнежи од слаб снег на неколку патни правци, патот кон село Герман е блокиран од паднато дрво
Од синоќа е воведена забрана за сообраќај на регионалниот пат Р2-233 Гостивар – село Чегране поточно во село Форино, поради...
(Фото) Ѓорѓиевски: По две децении, Драчево повторно доби свое кино
Градоначалникот на Град Скопје, Орце Ѓорѓиевски преку социјалните мрежи извести дека по две децении, Драчево повторно доби свое кино. „Особено...
Забранет сообраќајот на регионалниот пат Гостивар – село Чегране поради излевање на реката Вардар и обилниот дожд
Во 20.40 часот е воведена забрана за сообраќај на регионалниот пат Р2-233 Гостивар – село Чегране поточно во село Форино,...
Капиштец повеќе од шест часа без вода, дефект кај Цветен пазар ја поплавува улицата Народен фронт
Жителите на делови од скопски Капиштец повеќе од шест часа останаа без вода за пиење. Кај Цветен пазар вечерва е...
Четворица кандидати во трката за државен јавен обвинител добија позитивно мислење
Обвинителките Анита Тополова-Исајловска, Ленче Ристоска и Лидија Раичевиќ и судијата Ненад Савески добија позитивно мислење од Советот за јавни обвинители....
Генерален штрајк во март ако до крајот на февруари не се зголеми минималната плата, ССМ најави блокади и во другите градови
Со тројца повеќе работници од вообичаено, 24 наместо досегашните 21, Сојузот на синдикати на македонија (ССМ) денес ја блокираше Владата,...
Авионот е користен согласно прописите, за секој лет постојат документи, велат од Владата
Јавно и недвосмислено укажуваме дека владиниот авион е користен исклучиво во согласност со прописите и актите за негово користење, согласно...
Скијач од Данска повреден во снежна лавина на Попова Шапка
Скијач од Данска е пронајден на Попова Шапка, а според информациите од полицијата тој бил повреден од снежна лавина и...
