Спорт
Флензбург го доби дербито со Пик Сегед
Германскиот Флензбург стигна до многу важна 27:25 победа над унгарското изненадување Пик Сегед во 10. коло од Лигата на шампионите со која се искачи на третото место во групата Г и ги зголеми шансите за пласман во осминафиналето.
За Сегед пак, поразот …
Германскиот Флензбург стигна до многу важна 27:25 победа над унгарското изненадување Пик Сегед во 10. коло од Лигата на шампионите со која се искачи на третото место во групата Г и ги зголеми шансите за пласман во осминафиналето.
За Сегед пак, поразот доаѓа само четири дена по сензационалната победа над Пари Сен-Жермен, откако не можеа да се „носат“ со бундеслигашот посебно во одличното второ полувреме. Норвежанецот Магнус Јендал имаше дури осум гола за Флензбург, а пет уфрлија Гола и Готфридсон, а за Унгарците Рихард Бодо беше најефикасен со пет гола.
Вистинска сензација направи финскиот дебитант во ЛШ, Рихимаки Кокс, по шокантната 27:26 победа над Висла Плоцк, откако полскиот клуб пропушти водство од девет гола. Никлас Ренберг го постигна победничкиот гол на една секунда пред крајот откако Финците се вратија од 12:3 негатива. И покрај поразот, Плоцк се пласираа во плеј-офот, иако уште го немаат гарантирано првото место во групата.
ЛИГА НА ШАМПИОНИ
Рихимаки Кокс – Висла Плоцк 27:26 (10:15)
Флензбург – Пик Сегед 27:25 (14:14)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.