Црна хроника
Кривични пријави за арамии што оперирале ширум Скопје
Полицијата поднесе кривични пријави против три лица осомничени за 16 кривични дела, од кои 11 тешки кражби на подрачјето на Бит пазар и Чаир.
Кривични пријави се поднесени против М.М. (19) Б.Х. (18) и А.С. (18) сите од Скопје, а исто така кривично пријавени се и лицата Д.Д. (32) од Скопје и А.А. (24) од Тетово за кривично дело – “прикривање“, со што се стекнале со противправна имотна корист од околу 312.460 денари.
Од кривичните дела 12 се извршени во временскиот период од 11.07. до 19.08. годинавас на подрачјето на ПС од ОН Бит Пазар, претежно во ноќните часови и тоа на улиците “Христијан Тодоровски Карпош“, “Лазар Танев“, “Решат Џафер“, “Градиште“, “Џон Кенеди“, “Евлија Челебија“, “Цветан Димов“ и булеварот “Крсте Мисирков“. Покрај ова четири дела се извршени на подрачјето на ПС од ОН Чаир на улиците “БиХ“, “Црвени Брегови“ “Бетовенова“.
Пријавените најчесто со прескокнување на терасата и со употреба на погоден предмет -хебла делувале помеѓу рамката и крилото од балконската врата по што влегувале внатре во домовите, вршеле пребарување и претурање, а додека обидот за тешка кражба во куќа го извршиле на тој начин што со погоден алат -хебла делувале на прозорот од задната стана на куќата при што го отвориле, влегле внатре но се вклучил алармот и тие се откажале од намерата. При кражбите од становите и куќите одзеле: телевизор, компјутер марка ХП, рачен часовник “Касио“, бижутерија и пари.
Пријавените на подрачјето на ПС од ОН Бит Пазар“ извршиле 12 кривични дела и тоа: четири тешки кражби во продавници, три во трафики-тобака, две во останати објекти (УО, кафе бар), две тешки кражби во обид во останати објекти (работилница, билетара) и една кражба во хотел.
Од продавниците и тобако киосците сторителите претежно одземале разни видови цигари, алкохолни и безалкохолни пијалоци, чоколади, грицки, сим – картички, пари и др, а пак во кражбата од хотел (“Султан“) во згодна прилика од рецепцијата на хотелот, додека немало никој одзеле лап-топ компјутер и 16 мобилни телефони.
Покрај овој случај СВР Скопје, Одделение за имотни деликти поднесе кривична пријава и против лицата Н.Д. (27), Е.Х. (23) двајцата од Скопје за четири кривични дела – “тешка кражба во стан“ и тешка кражба во останати објекти“, како и против лицата Ц.Д. (33) за кривичното дело “прикривање“, и А.К. (27) за кривично дело “помагање“. Пријавените по извршените кривични дела се стекнале со противправна имотна корист од околу 144.000 денари.
Четирите тешки кражби се извршени на подрачје на ПС од ОН Кисела Вода во различен временскиот период од рано наутро до доцна во ноќта и тоа во станови на улиците “Михаил Чаков“, “Петар Дељан“, “Божидар Аџија“ и “Сава Ковачевиќ“.
Сторителите тешките кражби во три случаи ги извршувале со подесен алат и сила делувајќи помеѓу крилото и касата во делот на бравата од влезната врата при што ја отварале и влегувале внатре, а во еден случај со прекачување на тераса делувале со погоден алат на балконската врата при што ја отварале и влегувале внатре во становите.Прво и второпријавениот од становите одземале разна техничка стока и тоа телевизори, монитор и куќиште за компјутер, четири лап-топа различни марки, плеј стејшн, пари и други предмети, кои потоа ги препродавале на други лица за многу пониски цени од реалните, а дел од украдените предмети ги заложувале во заложни куќи за што добивале пари кои потоа ги трошеле за свои лични потреби. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.