Црна хроника
Уапсените инспектори и началник во Чаир примиле поткуп од 2.000 евра

Двјацата инспектори и началникот од СВР Скопје, кои во средата вечер беа уапсени во Чаир, примиле поткуп од две илјади евра, а за возврат не поднеле кривична пријава против едно лице во врска со убиството на Исмаили И. во Ченто, минатиот месец, соопшти Министерството за внатрешни работи.
Според сознанијата на полицијата, тројцата полициски службеници во периодот од 26 минатиот месец до вчера барале поткуп во вредност од две илјади евра од близок роднина на убиениот Исмаили И. кој од местото на убиството на 26 февруари подигнал пиштол на убиениот.
Иако за ваквото дејствие бил поднесен Посебен извештај до надлежниот Јавен обвинител, полицајците почнале да го бараат и да му се закануваат дека ќе му поднесат и кривична пријава доколку не им исплати поголема сума на пари.
Пред десетина дена оштетениот одллучил да го пријави случајот во полиција по што полицијата ги презела сите неопходни мерки за докажување на делото, вклучувајќи и техничка обработка на парите кои требале да бидат исплатени.
Инспекторите и началникот го примиле поткупот во текот на вчерашниот ден во непосредна близина на полициска станица „Гази Баба” во Автокоманда, по што со автомобил “ауди А/4″ се упатиле во населбата Чаир на ул. „Цветан Димов” каде во менувачница сакале да ги раситнат парите. Пред да го сторат тоа, биле уапсени. крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело – Телесна повреда од член 130 став 2 во врска со став 1 од Кривичниот законик.
При вршење семејно насилство во домот во Скопје тој телесно ја повредил неговата сопруга. Најпрво почнал да и се обраќа на висок тон, а потоа физички ја нападнал удирајќи ја со тупаници и шлаканици по главата и телото. Потоа продолжил силно да ја притиска за вратот, иако знаел дека е во петтиот месец од бременост. Во еден момент ја зграбил и насилно ја фрлил во креветот, по што и ја удирал главата од ивицата на креветот. Престанал кога оштетената започнала да крвари, по што жртвата успеала да се засолни во тоалетот и да повика полиција и брза помош.
Осомничениот слушнал дека повикува помош, по што го напуштил станот. Кај оштетената била констатирани бројни повреди на главата, но и на плацентата во која е сместен плодот.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Тешко повреден 15-годишник од Канада: со мопед удрил во лисица во Охридско и паднал

Денеска (29.08.2025) околу 03:30 часот во СВР Охрид e пријавено дека на ул.„Радојца Новичиќ“ во Охрид, 15-годишен малолетник од Канада, a со престој во с.Долно Лакочереј, охридско, управувајќи мопед „априлија“ со охридски регистарски ознаки, удрил во лисица и паднал на коловозот.
Во несреќата со тешки телесни повреди се здобил малолетниот возач, констатирани во Специјалната болница „Св.Еразмо“ во Охрид.
Извршен бил увид од увидна екипа од СВР Охрид.
Црна хроника
Пушка, пиштол и куршуми пронајдени во напуштен објект во Чаир

Вчера во 15:54 часот во СВР Скопје, Б.Ѓ. пријави дека на подрачјето на Чаир, во помошен објект на напуштена куќа на нејзината мајка, пронашла автоматска пушка, соопшти полицијата.
Според пријавеното, таа го повикала соседот за да проверат што има друго внатре во помошниот објект, при што дошол синот на соседот, ја турнал Б.Ѓ., ја зел пушката и избегал.
По извршен претрес и дополнителни проверки од страна на полициски службеници, во објектот се пронајдени уште една пушка, пиштол и куршуми.
Се преземаат мерки за расчистување на случајот.