Црна хроника
Скопските ’Бони и Клајд’ ќе одговараат за грабежот на маркетот ’Принц’
Единицата за општ криминал при СВР Скопје до надлежното Основно јавно обвинителство Скопје со кривична пријава ги предаде 22-годишниот А.В и 24-годишната С.И. од Скопје поради основано сомнение дека првопријавениот извршил кривично дело „разбојништво“ а истовремено е вратен во затворот во Куманово каде што издржувал друга казна, додека второпријавената извршила едно кривично дело „помагање“ во грабежот на продавница во која била вработена за што и’ е одредена мерка одреден домашен притвор во траење од 30 дена.
Единицата за општ криминал при СВР Скопје до надлежното Основно јавно обвинителство Скопје со кривична пријава ги предаде 22-годишниот А.В и 24-годишната С.И. од Скопје поради основано сомнение дека првопријавениот извршил кривично дело „разбојништво“ а истовремено е вратен во затворот во Куманово каде што издржувал друга казна, додека второпријавената извршила едно кривично дело „помагање“ во грабежот на продавница во која била вработена за што и’ е одредена мерка одреден домашен притвор во траење од 30 дена.
На 3-ти октомври, околу 01,10 часот, првопријавениот заедно со уште две непознати машки лица, дошле пред маркетот „Принц“ на улицата „Ферит Мурати“ на територијата на општина Гази Баба, каде еден од групата влегол во маркетот, додека неговиот соучесник и првопријавениот останале пред маркетот да чуваат стража и да му помогнат на лицето што се упатило во маркетот во извршувањето на кривичното дело за насилно да ја отвори подвижната врата од маркетот.
Откако првото засега непознато лице влегло во маркетот се скрило зад еден пулт од каде што ги набљудувало вработените во маркетот како ги подготвуваат кесите со пари од дневниот промет кај главната каса за да ги однесат во просторијата каде се наоѓа главниот сеф.
Второпријавената, пак, којашто била вработена во маркетот и во љубовна врска со првопријавениот А.В, претходно им дала совети и упатства на тројцата како и кога да го извршат кривичното дело. Односно пред да тргне од главната каса кон собата со сефот носејќи ги парите од дневниот промет, му дала знак, односно му пуштила порака по мобилен на првопријавениот дека тргнува и дека може да се изврши кривичното дело.
Во тој момент нејзиниот партнер му дал знак на машкото лице кое било внатре во маркетот и кое било маскирано со црна капа на главата и шал преку лицето, а овој, пак, заканувајќи им се со нож на вработените кеси со пари од дневниот промет во износ од 5.287.643 денари и се упатил кон споредната врата од маркетот каде што го чекале првопријавениот и вториот непознат разбојник. Откако успеале насилно да ја отворат вратата, која во моментот била надвор од функција сите тројца заедно избегале кон паркиралиштето покрај објектот.
Но бидејќи биле забележани од другите работени во маркетот кои почнале да ги бркаат, а А.В. и двете непознати машки лица на паркиралиштето од маркетот „Принц“, при бегање, ги фрлиле кесите со пари и со трчање се оддалечиле во непознат правец.
Еден од вработените во маркетот ги пронашол двете кеси со пари, за што е изготвен записник за пронајдени предмети и со потврда за вратени предмети двете кеси со пари во вредност од 5.287.643 денари се вратени на сопственикот на маркетот.
Службениците на министерството за внатрешни работи следните денови преземале низа мерки и активности и при преглед и претрес на пошироката околина биле пронајдени нож на преклоп и мобилен телефон. Потоа, на 8-ми октомври во полициската станица Гази Баба бил повикан првопријавениот кој во разговор со службените лица целосно го појаснил начинот и времето на извршувањето на кривичното дело.
Инаку, првопријавениот се наоѓа на издржување казна затвор во траење од 3 години во КПУ Затвор „Куманово“ и имал уште 15 месеци за доиздржување на казната затвор за сторено кривично дело „разбојништво”. За време на користењето на дозволеното отсуство во траење од 12 дена истиот го извршил посоченото кривично дело. Исто така, А.В. е регистриран сторител на кривични дела и периодот 2013/2014 година против него биле поднесени две кривични пријави за „разбојништво” и за „прикривање”./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.