Регион
Косово ја тргна фуснотата од Договорот за стабилизација и асоцијација со ЕУ
Приштина на мала врата го изменила Договорот за стабилизација и асоцијација (ДСА) кој го потпиша со Европската унија (ЕУ) како Косово со фуснота, откако на седницата на косовскиот парламент во понеделникот, на која се ратификуваше овој договор, пратениците „го протуркале“ и амандманот во кој наместо фуснотата се споменува „Република Косово“, пренесуваат српските медиуми.
Приштина на мала врата го изменила Договорот за стабилизација и асоцијација (ДСА) кој го потпиша со Европската унија (ЕУ) како Косово со фуснота, откако на седницата на косовскиот парламент во понеделникот, на која се ратификуваше овој договор, пратениците „го протуркале“ и амандманот во кој наместо фуснотата се споменува „Република Косово“, пренесуваат српските медиуми.
Потпретседателката на парламентот на Косово од редовите на листата „Српска“, Јасмина Живковиќ за „Вечерњи новости“ објаснува дека текстот на договорот со ЕУ не може да се менува на овој начин.
„Тој амандман не може да стане дел од договорот и ние гласавме за текстот каков што беше потпишан со ЕУ, без овој додаток. Во него во точката 5 се вели дека Приштина е обврзана да ги спроведува сите договори од дијалогот со Белград, што за нас е клучно. Доколку би дошло до опструкции на ова, ДСА би можел да се суспендира“, рекла таа.
Пратениците од листата „Српска“ биле воздржани на гласањето за овој амандман, но тој добил мнозинство. На крајот Договорот бил ратификуван со 86 гласа, а според Славко Симиќ, шефот на пратеничката група на „Српска“, пратениците од оваа листа го поддржале договорот бидејќи така ќе се овозможат цврсти економски врски со ЕУ.
„Одлуката да гласаме за ДСА беше донесена по консултациите со коалициските партнери и гаранциите дека нема да се носат никакви еднострани одлуки, освен во договор во Брисел и согласност со ЕУ“, рекла Јасмина Живковиќ.
Директорот на канцеларијата за Косово, Марко Ѓуриќ во понеделникот навел дека во член 2 од овој документ експлицитно се наведува дека ЕУ и нејзините членки во овој документ не го признаваат Косово.
„Ниеден од условите, деловите од текстот или дефинициите од Договорот, како и прилозите, не претставува признавање на Косово како независна држава од страна на ЕУ“, рекол Ѓуриќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.